ഡല്‍ഹിക്കൊതിരെ ജയം അര്‍ഹിച്ചിരുന്നോ? സ്റ്റീവ് കോപ്പലിന്റെ മറുപടി ഇങ്ങനെ

0

ന്യൂഡല്‍ഹി: പെനല്‍റ്റി ഷൂട്ടൗട്ടില്‍ ഡല്‍ഹി ഡൈനമോസിനെ തോല്‍പിച്ച കേരള ബ്ലാസ്റ്റേഴ്‌സ് ഐ.എസ്.എല്‍ ഫൈനലിന് തയ്യാറെടുക്കുന്നു. ഡിസംബര്‍ 18ന് കൊച്ചിയിലാണ് ഫൈനല്‍. അത്‌ലറ്റിക്കോ ഡി കൊല്‍ക്കത്തയാണ് ബ്ലാസ്റ്റേഴ്‌സിന്റെ എതിരാളി.

ഡല്‍ഹിക്കെതിരായ വിജയം ബ്ലാസ്റ്റേഴ്‌സ് അര്‍ഹിച്ചിരുന്നുവെന്നാണ് പരിശീലകന്‍ സ്റ്റീവ് കോപ്പല്‍ പറയുന്നത്. രണ്ട് പാദമത്സരങ്ങളിലും ഞങ്ങള്‍ കഠിനാധ്വാനം ചെയ്തു, അത് കൊണ്ടുതന്നെ ഫൈനല്‍ അര്‍ഹതപ്പെട്ടതാണെന്ന്‌ കോപ്പല്‍ പറയുന്നു. മത്സര ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം. 90 മിനുറ്റിനുള്ളില്‍ വിജയിക്കാനായിരുന്നു ഞങ്ങളുടെ പദ്ധതി, പക്ഷേ അതിന് കഴിഞ്ഞില്ല, എക്‌സ്ട്രാ ടൈമിലും ശക്തമായ മത്സരം കാഴ്ചവെച്ചു കോപ്പല്‍ പറഞ്ഞു.

എന്നാല്‍ എതിരാളിയുടെ കളി മികവിനെ പുകഴ്ത്താനും കോപ്പല്‍ മറന്നില്ല, ഡല്‍ഹി നല്ല മത്സരമാണ് കാഴ്ചവെച്ചത്. പത്ത് പേരുമായാണ് അവര്‍ നല്ല മത്സരം പുറത്തെടുത്തത്, സീസണിലുടനീളം ഡല്‍ഹി കളിക്കാര്‍ മികവ് പുലര്‍ത്തിയെന്നും കോപ്പല്‍ പറഞ്ഞു.

Share.

Leave A Reply

Powered by Lee Info Solutions