മോഡിയുടെ പിറന്നാള്‍ ശിശുദിനമായി ആഘോഷിക്കണമെന്നു റിജിലേഷ് നമ്പൂതിരിപ്പാട്‌

0

രാജ്യത്തിലെ ഒരു ശിവഭക്തന്‍ ഒഴിച്ച് ബാക്കിയെല്ലാ ഭക്തന്മാരും മനസ്സിലിട്ടു താലോലിച്ച ആഗ്രഹം ഉറക്കെ പറഞ്ഞിരിക്കുകയാണ് സഞ്ജീവനി നേതാവ് റിജിലേഷ് നമ്പൂതിരിപ്പാട്. അദ്ധെഹത്തിന്‍റെ ആവശ്യം എന്താണ് എന്ന് നമുക്ക് നോക്കാം

ശിശുദിനം കൊണ്ടാടേണ്ടത് നെഹ്രുവിനെ പോലൊരാളുടെ പിറന്നാൾ ദിനത്തിലോ?
ജവഹർലാൽ നെഹ്രുവിനെ പോലുള്ള ഒരു നീചന്റെ പിറന്നാൾ ഒരിക്കലും ശിശുദിനമായി കൊണ്ടാടരുതായിരുന്നു. യുവാക്കൾക്ക് തെറ്റായ മാതൃക നൽകി ചരിത്രത്തെ മൂടി വെക്കുന്ന കോണ്ഗ്രസ്സ് കുടില തന്ത്രത്തിന്റെ ഭാഗമാണ് നാടൊട്ടുക്കും ഇന്നാഘോഷിക്കുന്ന ശിശുദിനം!
ഒരേപോലെ സ്വാതന്ത്ര്യം കിട്ടിയ നാടാണ് ഭാരതവും പോർക്കിസ്ഥാനും. എന്നാൽ പോർക്കികൾ അതൊരു ഇസ്ലാമിക രാജ്യം ആക്കി മാറ്റി. അത് അവരുടെ മിടുക്ക്. എന്നാൽ നെഹ്റു ഈ ഹിന്ദുസ്ഥാനെ ഒരു “ജനാതിപത്യ സെക്കുലർ റിപ്പബ്ലിക്ക്” ആക്കി നശിപ്പിക്കുകയാണ് ഉണ്ടായത്.

അയാൾ അംബേദ്‌കറിന്റെ കൂടെ കൂടി കയറ്റി വിട്ട സോഷ്യലിസവും മതേതരത്വവും ആണ് ഹിന്ദുസ്ഥാനെ ഇന്ത്യ ആക്കി പരിമിതപ്പെടുത്തിയത്. നെഹ്‌റുവിന് പകരം സവർക്കാർജിയോ മറ്റോ ആയിരുന്നെങ്കിൽ നമ്മൾ ഒന്നാന്തരം ഹിന്ദുരാഷ്ട്രം ആയി ലോകത്തിന്റെ നെറുകയിൽ നിന്നെനം. ഹിന്ദുക്കളെ അവഗണിച്ച് മറ്റ് മതക്കാർക്കും തവണ ജാതിക്കാർക്കും ഒരേപോലെ പരിഗണന നൽകിയ കുറ്റത്തിന് നാളത്തെ തലമുറ നെഹ്‌റുവിന് മാപ്പ് നൽകില്ല എന്ന് കട്ടായം പറയാം. കള്ളും കഞ്ചാവും പെണ്ണുമായി അഭിരമിച്ച് നടന്ന നെഹ്റു ആണോ വേണ്ടത് അതോ നിത്യ ബ്രഹ്മചരികളായി ഭരതാംബക്ക് വേണ്ടി ജീവിക്കുന്ന സംഘപുത്രന്മാർ ആണോ വേണ്ടത് എന്ന് നിങ്ങൾ തന്നെ ആലോചിക്കുക!

നെഹ്രുവിന്റെ പിറന്നാൾ അല്ലെങ്കിൽ ആരുടെ പിറന്നാൾ ശിശുദിനമായി ആഘോഷിക്കണം എന്നൊരു ചോദ്യം ഉദിക്കുമ്പോൾ അതിന് മറുപടിക്ക് അധികം ചിന്തിക്കേണ്ട ആവശ്യം ഇല്ലന്ന് നമുക്കറിയാം. സാക്ഷാൽ മോഡിജിയുടെ പിറന്നാൾ എന്തുകൊണ്ട് ശിശുദിനമായി ആഘോഷിച്ചു കൂടാ?
മോഡിജിയുടെ “ബാൽ നരേന്ദ്ര” കഥകൾ നമ്മൾ കേട്ടിട്ടുണ്ട്. ബാൽ നരേന്ദ്രൻ ആണ് ലോകം കണ്ടതിൽ വെച്ച് ഉത്തമനായ ബാലൻ. ഉത്തമൻ, ശാഖയിൽ മുടങ്ങാതെ പോകുന്നവൻ, അധ്വാനശീലൻ, പട്ടാള സ്നേഹി, മുതലകളെ പോലും ഭയമില്ലാതെ വീരശൂരപരാക്രമി എല്ലാത്തിലും ഉപരി ഹിന്ദുത്വപ്രചാരകനായ രാജ്യസ്നേഹി. ഇന്നത്തെ തലമുറ മാത്യുകയാക്കേണ്ടത് ഈ മഹാത്മാവിനെ അല്ലെ? സ്‌കൂൾ പഠനം വേണ്ട ഉയരങ്ങളിൽ എത്താനും സർട്ടിഫിക്കറ്റുകൾ നേടിയെടുക്കാനും എന്ന ജീവിത രഹസ്യം പഠിപ്പിച്ച് തന്നത് മോദിജിയാണ്.

vlcsnap-2014-03-23-14h55m45s49കുട്ടികളെ പോലെ യാത്രകൾ കൗതുകമാണ് മോഡിജിക്ക്. ലോക നേതാക്കളുടെ ഇടയിൽ കുട്ടികളെ പോലുള്ള മോഡിജിയുടെ പെരുമാറ്റം വിശ്വപ്രസിദ്ധം ആണല്ലോ. കുഞ്ഞുങ്ങളെ പോലെ ക്യാമറക്ക് പോസ് ചെയുന്ന മോദിജി മറ്റുള്ള നേതാക്കളിൽ നിന്നും തികച്ചും വ്യത്യസ്തൻ ആണ്.

മോദിജിക്ക് കുട്ടികളോടുള്ള സ്നേഹം പ്രശസ്തമാണ്. കുട്ടികളെ കാണുമ്പോൾ മോദിജി ഓടി പോയി അവരുടെ ചെവിക്ക് പിടിക്കുന്നു – അത് ആഫ്രിക്ക ആകട്ടെ കാനഡ ആകട്ടെ. ഇതിനെ ചൊല്ലി വിവരം കെട്ട മാധ്യമങ്ങൾ വിവാദങ്ങൾ ഉണ്ടാക്കിയിട്ടുള്ളത് ശ്രദ്ധിച്ചു കാണുമല്ലോ. ചെവിക്ക് പിടിക്കുന്നതിൽ വലിയൊരു ശാസ്ത്രീയ വശം കൂടിയുണ്ട്. കുട്ടികളുടെ ചെവിക്ക് പിടിക്കുമ്പോൾ അവരുടെ സുഷമ്ന നാടിയും തലച്ചോറുമായുള്ള നാഡി വ്യൂഹം ഉത്തേജിക്കപ്പെടുന്നു. തൽഫലമായി ബുദ്ധി കേന്ദ്രങ്ങളായ ഗ്രെ മാറ്ററും വൈറ്റ് മാറ്ററും കൂടുതൽ ഉത്പാദിപ്പിക്കപ്പെടുന്നു. തുടർഫലമായി കുട്ടികൾ ബുദ്ധിശാലുകളും രാജ്യസ്നേഹികളുമായി മാറുന്നു.

ചെറുപ്പത്തിൽ കുട്ടികളെ അധ്യാപകർ ചെവിക്ക് പിടിക്കുന്നതിന്റെ ശാസ്ത്രീയ വശവും ഇത് തന്നെയാണ്. ചെറുപ്പത്തിൽ ഒരു അഘോരി സന്യാസിയുമായുള്ള കൂടിക്കാഴ്ചയിൽ ആണ് മോദിജി ഈ വിദ്യ സായത്വം ആക്കിയത്. അഘോരി ഇതേ മാതൃകയിൽ അദ്ദേഹത്തിന്റെ ചെവിക്ക് പിടിച്ചതാണ് ബാൽ നരേന്ദ്രനെ നരേന്ദ്ര മോദി ആക്കി മാറ്റിയത്. മോദിജി ചെവിക്ക് പിടിച്ച പല കുട്ടികളും ഇന്ന് നാസയിൽ ശാസ്ത്രജ്ഞരായി ഇന്റൻഷിപ്പ് ചെയ്യുന്നു, മറ്റ് കുട്ടികൾ മിലിറ്ററി ഇന്റലിജൻസ് ട്രൈനിയായി സേവനം അനുഷ്ഠിക്കുന്നു!
ഇത് വരെ സംഭവിച്ചതൊക്കെ നമുക്ക് പോട്ടെന്നു വെക്കാം. അടുത്ത വർഷം മുതൽ മോഡിജിയുടെ പിറന്നാളായ സെപ്റ്റംബർ 17 ശിശുദിനമായി കൊണ്ടാടാം. ഇതിനായി കിണഞ്ഞ് പരിശ്രമിക്കുക. ഭാരത് മാതാ കി ജയ് 🚩

 

നോട്ട്:   ഫേസ്ബുക്കില്‍ സജീവമായ സഞ്ജീവനി എന്ന പേജില്‍ വന്ന പോസ്റ്റ് ആണിത്. ആക്ഷേപഹാസ്യമാണ് ഇവരുടെ മേഖല

Share.

Leave A Reply

Powered by Lee Info Solutions