തൃശൂർ ∙ ചിറങ്ങര ഗാന്ധിനഗറിൽ ചെമ്പകശ്ശേരി പ്രകാശന്റെ വീട്ടിൽ രാത്രി 2 മണിയോടെ വൻ മോഷണം. വീടിന്റെ പുറകിലെ ജനൽ കമ്പി അഴിച്ചു മാറ്റി അകത്തു കടന്ന മോഷ്ടാവ്, അലമാരയിൽ സൂക്ഷിച്ചിരുന്ന 35 പവനും 8000 രൂപയും കവർന്നു. അലമാരയിലെ സാധനങ്ങൾ വാരിവലിച്ചിട്ടു.
രാത്രിയിൽ ദേഹാസ്വാസ്ഥ്യം അനുഭവപ്പെട്ടതിനെ തുടർന്ന് പ്രകാശൻ എഴുന്നേറ്റിരുന്നു. തൊട്ടടുത്ത മുറിയിൽ വെളിച്ചം കണ്ടു നോക്കിയപ്പോഴാണ് അലമാര തുറന്നു കിടക്കുന്നതും സാധനങ്ങൾ വാരി വലിച്ചിട്ട നിലയിലും ശ്രദ്ധിച്ചത്. തുടർന്നു നടത്തിയ പരിശോധനയിൽ മോഷണം തിരിച്ചറിഞ്ഞു.