തിരുവനന്തപുരം: കര്‍ണാടകയിലെ അങ്കോളയിലുണ്ടായ മണ്ണിടിച്ചിലില്‍ മലയാളിയായ ലോറി ഡ്രൈവർ കുടുങ്ങിയ സംഭവത്തിൽ പ്രതികരിച്ച് ഗതാഗതമന്ത്രി കെ.ബി. ഗണേഷ് കുമാർ. മുഖ്യമന്ത്രി പിണറായി വിജയൻ കർണാടക മുഖ്യമന്ത്രി സിദ്ധരാമയ്യയുമായി വിഷയം സംസാരിച്ചിട്ടുണ്ട്. കർണാടകത്തിലെ ഗതാഗതമന്ത്രിയേയും റെവന്യു മന്ത്രിയേയും വിഷ്ണുനാഥ് എം.എൽ.എ ബന്ധപ്പെട്ടതായും അദ്ദേഹം മാധ്യമങ്ങളോട് പറഞ്ഞു.
പ്രദേശത്ത് രക്ഷാപ്രവർത്തനം മന്ദഗതിയിലാണ്. വലിയ തോതിൽ അവിടെ മഴ പെയ്യുന്നുണ്ട്. ചെറിയ മണ്ണിടിച്ചിലല്ല ഉണ്ടായിരിക്കുന്നത്. ഏത് നിമിഷവും ഇനിയും മണ്ണിടിഞ്ഞേക്കാമെന്ന ഭയം അധികൃതർക്കുണ്ട്. അതിനാലാണ്, ആരേയും രക്ഷാപ്രവർത്തനം നടക്കുന്ന മേഖലയിലേക്ക് കടത്തിവിടാത്തത്.