ടിക്കറ്റ് നിരക്കിൽ വലിയ മാറ്റമില്ല
തൃശ്ശൂർ: ഒന്നരവർഷമായി അടഞ്ഞുകിടക്കുന്ന കൈരളി, ശ്രീ തിയേറ്ററുകൾ നവീകരണം പൂർത്തിയാക്കി ഒക്ടോബറിൽ തുറക്കും. ഒമ്പതുകോടി രൂപയുടെ നവീകരണപ്രവർത്തനങ്ങളാണ് നടന്നത്. അമേരിക്കയിൽനിന്ന് ഇറക്കുമതിചെയ്ത 4കെ ലേസർ പ്രൊജക്ടർ, ബെൽജിയം നിർമിത സോഫാ ടൈപ്പ് ഇരിപ്പിടങ്ങൾ, കൂടുതൽപേർക്ക് ഇരിക്കാവുന്ന ലോബിയോടുകൂടിയ വിശ്രമമുറി, ഫീഡിങ് റൂം തുടങ്ങിയ സൗകര്യങ്ങളാണുണ്ടാകുക.
സാങ്കേതികമികവോടുകൂടിയ രണ്ട് ഡിജിറ്റൽ ഡബ്ബിങ് സ്റ്റുഡിയോകളുണ്ടാകും. പരിഷ്‌കരിച്ച 32 പാനൽ ഡോൾബി അറ്റ്‌മോസ് സൗണ്ട് സിസ്റ്റമാണ് മറ്റൊരു ആകർഷണം. സാങ്കേതികതയും പുതുമയും ഇടകലർന്ന ഇന്റീരിയർ സംവിധാനമാണ് ഒരുക്കുക.