മികച്ച പ്രേക്ഷകപ്രശംസ നേടിയ നായാട്ട് സിനിമ ടീം വീണ്ടും ഒന്നിക്കുന്നു. ഓഫീസർ ഓൺ ഡ്യൂട്ടി എന്ന് പേരിട്ടിരിക്കുന്ന ചിത്രത്തിൽ നായകനാവുന്നത് കുഞ്ചാക്കോ ബോബനാണ്.
ജിത്തു അശ്‌റഫ് ആണ് ചിത്രം സംവിധാനം ചെയ്യുന്നത്. ചാക്കോച്ചന്റെ ജന്മദിനത്തിനോട് അനുബന്ധിച്ചാണ് ചിത്രം പ്രഖ്യാപിച്ചത്.സംവിധായകൻ മാർട്ടിൻ പ്രക്കാട്ട് നിർമിക്കുന്ന ചിത്രത്തിന് തിരക്കഥയൊരുക്കുന്നത് നായാട്ട്, ഇല വീഴാപൂഞ്ചിറാ, ജോസഫ് തുടങ്ങിയ ചിത്രങ്ങൾക്ക് കഥയെഴുതിയ ഷാഹി കബീറാണ്. ഇലവീഴാ പൂഞ്ചിറയുടെ സംവിധാനവും ഷാഹി കബീറായിരുന്നു.
ഷാഹിയുടെ മുൻ ചിത്രങ്ങൾ എന്ന പോലെ തന്നെ ഓഫീസർ ഓൺ ഡ്യൂട്ടിയും പൊലീസ് കഥയാണ്. ത്രില്ലർ ജോണറിലായിരിക്കും ചിത്രമൊരുങ്ങുന്നതെന്നാണ് ടൈറ്റിൽ ടീസറിൽ നിന്ന് മനസിലാവുന്നത്