കോട്ടയം: പാലായില് ഒമ്പതാം ക്ലാസ് വിദ്യാര്ത്ഥിയെ സഹപാഠികള് ചേര്ന്ന് റാഗ് ചെയ്തതായി പിതാവിന്റെ പരാതി. വിദ്യാര്ത്ഥിയുടെ പിതാവാണ് പരാതി നല്കിയത്. കുട്ടിയെ ശാരീരികമായി ഉപദ്രവിക്കുകയും വീഡിയോ പകര്ത്തി സോഷ്യല് മീഡിയയില് പ്രചരിപ്പിക്കുകയും ചെയ്തു എന്നാണ് പരാതി.കഴിഞ്ഞ വെള്ളിയാഴ്ചയായിരുന്നു സംഭവം.
കൂട്ടുകാര് ചേര്ന്ന് കുട്ടിയെ ബലമായി വിവസ്ത്രനാക്കി വീഡിയോ എടുക്കുകയായിരുന്നു. ഒന്നിലധികം തവണ ഇത് ആവര്ത്തിച്ചു. കുട്ടിയുടെ നഗ്നത കലര്ന്ന ദൃശ്യങ്ങള് ഇന്സ്റ്റഗ്രാമില് പ്രചരിപ്പിച്ചു എന്നാണ് പിതാവ് പാലാ പൊലീസിന് നല്കിയ പരാതിയില് പറയുന്നത്.
ഇന്നലെ രാത്രിയിലാണ് പിതാവ് പരാതി നല്കിയത്. ആരോപണത്തില് ആരോഗ്യ വനിത ശിശുവികസന വകുപ്പ് മന്ത്രി വീണാ ജോര്ജ് വനിത ശിശുവികസന വകുപ്പ് ഡയറക്ടറോട് റിപ്പോര്ട്ട് തേടി.