“എമ്പുരാൻ പ്രഖ്യാപിച്ചതുതൊട്ട് ആരാധകര്‍ ആകാംക്ഷയിലാണ്. എന്തായിരിക്കും എമ്പുരാൻ എന്ന ചോദ്യത്തിന് തിരക്കഥാകൃത്ത് മുരളി ഗോപി മറുപടി പറഞ്ഞതും രസകരമായിട്ടാണ്.
ഒരു സാൻഡ്‍വിച്ചിന്റെ നടുഭാഗമാണ് ശരിക്കും എമ്പുരാൻ എന്നാണ് മുരളി ഗോപി വ്യക്തമാക്കിയത്.മോഹൻലാലിന്റെ എമ്പുരാന്റെ ടീസര്‍ ലോഞ്ചിംഗിന് മമ്മൂട്ടി വെളുത്ത വസ്‍ത്രം ധരിച്ച് വന്നതിനെ കുറിച്ച് അവതാരക ചോദിച്ചപ്പോഴും വിട്ടുപറയാതെയായിരുന്നു മുരളി ഗോപിയുടെ മറുപടി.
എന്തേലും സസ്‍പെൻസുണ്ടോ എന്നായിരുന്നു അവതാരക തിരക്കഥാകൃത്തിനോട് ചോദിച്ചത്. ഇല്ലെന്ന് മറുപടി. ശബ്‍ദ സാന്നിദ്ധ്യമായിട്ടെങ്കിലും മമ്മൂട്ടിയുണ്ടാകുമോ എന്ന ചോദ്യമായിരുന്നു പിന്നീട്. അതൊന്നും ഇപ്പോള്‍ പറയുന്നില്ല എന്നായിരുന്നു മുരളി ഗോപിയുടെ മറുപടി.എമ്പുരാൻ ഒരു ത്രീ പാര്‍ട് ഫ്രാഞ്ചസിയുടെ മിഡ് പാര്‍ട്ടാണ്. ലൂസിഫറാണ് എമ്പുരാന്റെ വിസിറ്റിംഗ് കാര്‍ഡ് എന്ന് വേണമെങ്കില്‍ പറയാം.
ലൂസിഫറിന്റെ തുടര്‍ച്ചയാകുമ്പോള്‍ തന്നെ എമ്പുരാൻ പുതിയ ഒരു ലോകം സൃഷ്‍ടിക്കുന്നുണ്ട്. ഒരു സാൻഡ്‍വിച്ചിനെയാണ് ഞാൻ താരതമ്യപ്പെടുത്തുന്നത്. സാൻഡ്‍വിച്ചിന്റെ മിഡ് പീസാണ് എമ്പുരാൻ. ലൂസിഫറില്‍ എല്ലാ കഥാപാത്രങ്ങളുടെയും ഒരു ഇൻട്രൊഡക്ഷൻ ഉണ്ട്.
എമ്പുരാൻ ലൂസിഫറിന്റെ തുടര്‍ച്ച ആയിരിക്കെ തന്നെ ഒരു പുതിയ ലോകം ക്രിയേറ്റ് ചെയ്യുകയും ആ ലോകത്തിലൂടെ പഴയ ഓര്‍മയില്‍ നിന്നുള്ള ലോകം വരികയും അതിന്റെ കണ്ടിന്യൂഷൻ ഉണ്ടാകുകയും ചെയ്യുന്ന രീതിയാണ് എമ്പുരാനില്‍ സ്വീകരിച്ചിരിക്കുന്നത് എന്നും മുരളി ഗോപി ചൂണ്ടിക്കാട്ടുന്നു.