അഹമ്മദാബാദ്: ഐപിഎല്ലില്‍ ഇന്ന് ഗുജറാത്ത് ടൈറ്റന്‍സ് ഡല്‍ഹി ക്യാപിറ്റല്‍സിനെ നേരിടും. അഹമ്മദാബാദ് സ്റ്റേഡിയത്തില്‍ ഉച്ചതിരിഞ്ഞ് 3.30നാണ് മത്സരം. സൂപ്പർ ഓവറില്‍ രാജസ്ഥാന്‍ റോയല്‍സിനെ മറികടന്ന ആത്മവിശ്വസാത്തിലാണ് ഡല്‍ഹി ക്യാപിറ്റല്‍സ് ഗുജറാത്തിനെതിരെ എവേ മത്സരത്തിനിറങ്ങുന്നത്.
അതേസമയം, ലക്നൗവിനോട് അവസാന ഓവറില്‍ തോല്‍വി സമ്മതിച്ച ഗുജറാത്ത് ടൈറ്റന്‍സിന് ജയിച്ചാല്‍ ഡല്‍ഹിയെ മറികടന്ന് ഒന്നാം സ്ഥാനത്തെത്താമെന്ന പ്രതീക്ഷയിലാണ്.ആറ് മത്സരങ്ങളില്‍ ഡല്‍ഹി ഇതുവരെ തോറ്റത് ഒരെണ്ണം മാത്രം. ഗുജറാത്ത് രണ്ട് മത്സരത്തിലും തോറ്റു.
കരുണ്‍ നായരുടെ വെടിക്കെട്ടിന് കെ.എല്‍.രാഹുലിന്‍റെയും സ്റ്റബ്സിന്‍റെയും അക്സറിന്‍റെയും ക്ലാസിക് ഫിനിഷ് കൂടി കിട്ടിയാല്‍ ഡല്‍ഹി സ്കോര്‍ പറക്കും. പക്ഷേ, സിറാജും പ്രസിദ്ധ് കൃഷ്ണയുമുള്‍പ്പെടുന്ന ഗുജറാത്ത് ബോളര്‍മാരെ കരുതിയേ പറ്റൂ ക്യാപിറ്റൽസ്