ഗാസ: വ്യോമാക്രമണം കടുപ്പിച്ച് ഇസ്രയേല്. ഹമാസിന്റെ ഉന്നത സൈനിക കമാന്ഡര് കൊല്ലപ്പെട്ടതായി ഇസ്രായേല് സൈന്യം അറിയിച്ചു. വടക്കന് ഗാസയില് നടന്ന വ്യോമാക്രമണത്തില് ഹമാസിന്റെ ബുറൈജ് ബറ്റാലിയനിലെ മിലിട്ടറി ഇന്റലിജന്സ് ഡെപ്യൂട്ടി മേധാവി സിം മഹ്മൂദ് യൂസഫ് അബു അല്ഖിര് കൊല്ലപ്പെട്ടതായാണ് ഐഡിഎഫ് അറിയിക്കുന്നത്.
ഗാസയില് ഇന്നലെ നടന്ന ഇസ്രയേല് ആക്രമണങ്ങളില് 36 പേരാണ് കൊല്ലപ്പെട്ടത്. 146 പേര്ക്ക് പരിക്കേറ്റു. കഴിഞ്ഞ 24 മണിക്കൂറിനുള്ളില് പോഷകാഹാരക്കുറവ് മൂലം ഒരു കുട്ടിയുള്പ്പെടെ നാല് പേര് മരിച്ചു.
147 കുട്ടികള് ഉള്പ്പെടെ പട്ടിണി മൂലം മരിച്ചവരുടെ എണ്ണം 440 ആയി. ഗാസ നഗരത്തില് നിന്ന് ഏകദേശം 480,000 പേര് പലായനം ചെയ്തതായി ഇസ്രയേല് സൈന്യം വ്യക്തമാക്കി.