അബുദാബി: ഏഷ്യാ കപ്പ് സൂപ്പര് ഫോറില് ശ്രീലങ്കയ്ക്കെതിരായ നിര്ണായക മത്സരത്തില് പാകിസ്ഥാന് 134 റണ്സ് വിജയലക്ഷ്യം. അബുദാബി, ഷെയ്ഖ് സയിദ് സ്റ്റേഡിയത്തില് ടോസ് നഷ്ടപ്പെട്ട് ബാറ്റിംഗിനെത്തിയ ശ്രീലങ്കയെ മൂന്ന് വിക്കറ്റ് നേടിയ ഷഹീന് അഫ്രീദി, രണ്ട് പേരെ വീതം പുറത്താക്കിയ ഹുസൈന് താലാത്, ഹാരിസ് റൗഫ് എന്നിവരാണ് എറിഞ്ഞിട്ടത്.
44 പന്തില് 50 റണ്സെടുത്ത കാമിന്ദു മെന്ഡിസാണ് ലങ്കയുടെ ടോപ് സ്കോറര്. ഇന്ത്യക്കെതിരെ കളിച്ച ടീമില് മാറ്റം വരുത്താതെയാണ് പാകിസ്ഥാന് ഇറങ്ങിയത്.
ശ്രീലങ്ക രണ്ട് മാറ്റം വരുത്തി. ചാമിക കരുണാരത്നെ, മഹീഷ് തീക്ഷണ എന്നിവര് ടീമിലെത്തി. ഈ മത്സരത്തില് പരാജയപ്പെടുന്നവര് ഏറെക്കുറെ ടൂര്ണമെന്റില് നിന്ന് പുറത്താവും.