കോവളം: പത്തുലക്ഷം രൂപ വിലവരുന്ന 193 ഗ്രാം എംഡിഎംഎയുമായി കാറിൽ വരുകയായിരുന്ന സുഹൃത്തുക്കളായ യുവതിയെയും യുവാവിനെയും പിടികൂടി.
ചെമ്പഴന്തി അങ്കണവാടി ലെയ്‌ൻ സാബു ഭവനിൽ സാബു(36), സുഹൃത്തും ശ്രീകാര്യം കരിയം കല്ലുവിള സൗമ്യാഭവനിൽ രമ്യ(36) എന്നിവരെയാണ് സിറ്റി ഡാൻസാഫ് സംഘം പിന്തുടർന്ന് പിടികൂടിയത്. ഇവരുടെ കാറും കസ്റ്റഡിയിലെടുത്തു.
അവിടെ തങ്ങിയശേഷം ഏജന്റിന്റെ പക്കൽനിന്ന് മൂന്നുലക്ഷം രൂപനൽകിയാണ് മയക്കുമരുന്ന് വാങ്ങി തിരുവനന്തപുരം ശ്രീകാര്യത്തേക്കു മടങ്ങിയത്. ഈ വിവരം സിറ്റി ഡാൻസാഫ് സംഘത്തിനു ലഭിച്ചിരുന്നു. ഇതിന്റെ അടിസ്ഥാനത്തിൽ കേരളാതിർത്തിമുതൽ ഡാൻസാഫിന്റെ സംഘത്തെ നിയോഗിച്ചിരുന്നു.
ഞായറാഴ്ച രാവിലെ കാരോട് കഴക്കൂട്ടം ദേശീയപാതയിലേക്ക് ഇവർ കടന്നതോടെ കോവളത്തിനും മുല്ലൂരിനുമിടയിൽ ഡാൻസാഫ് സംഘം വാഹനങ്ങളെ നിരീക്ഷിക്കുന്നുണ്ടായിരുന്നു.
വാഹനം പരിശോധിച്ചുവെങ്കിലും ഒന്നും കണ്ടെത്താനായില്ല. തുടർന്ന് വനിതാ പോലീസിന്റെ നേതൃത്വത്തിൽ നടത്തിയ ദേഹപരിശോധനയിൽ യുവതി ധരിച്ചിരുന്ന ചെരിപ്പുകൾക്കുള്ളിൽനിന്നു പ്രത്യേകരീതിയിൽ പൊതിഞ്ഞിരുന്ന എംഡിഎംഎ കണ്ടെടുക്കുകയായിരുന്നു.
പലപ്രാവശ്യം ഇവർ ഇത്തരത്തിൽ എംഡിഎംഎ കടത്തിയിട്ടുണ്ടെങ്കിലും ആദ്യമായാണ് പിടിയിലാകുന്നത്. നടപടികൾക്കുശേഷം പ്രതികളെ കോവളം പോലീസിനു കൈമാറി.