പാലക്കാട്: നെന്മാറ സജിത വധക്കേസില് പ്രതി ചെന്താമരയുടെ ശിക്ഷാ വിധി പറയുന്നത് വെള്ളിയാഴ്ചയിലേക്ക് മാറ്റി. പ്രതിയ്ക്ക് വധശിക്ഷ നല്കണമെന്ന് പ്രോസിക്യൂഷന് ആവശ്യപ്പെട്ടു. സജിതയുടെ കേസില് ജാമ്യത്തിലിറങ്ങിയ ശേഷം സജിതയുടെ ഭര്ത്താവ് ഭര്ത്താവ് സുധാകരനെയും അമ്മയെയും കൊലപ്പെടുത്തി.
ഇക്കാര്യങ്ങള് ചൂണ്ടിക്കാട്ടിയാണ് പ്രോസിക്യൂഷന് വധശിക്ഷയ്ക്ക് വേണ്ടി വാദിച്ചത്.കഴിഞ്ഞ ദിവസമാണ് പാലക്കാട് അഡീഷണല് ഡിസ്ട്രിക്ട് ആന്ഡ് സെഷന്സ് കോടതി സജിത വധക്കേസില് പ്രതി ചെന്താമര കുറ്റക്കാരനാണെന്ന് വിധിച്ചത്.
പാലക്കാട് അഡീഷണല് ഡിസ്ട്രിക്ട് ആന്ഡ് സെഷന്സ് കോടതി ജഡ്ജി കെന്നത്ത് ജോര്ജാണ് വിധി പ്രസ്താവിച്ചത്. എന്തെങ്കിലും പറയാനുണ്ടോയെന്ന് കോടതി ചോദിച്ചപ്പോള് ഒന്നും പറയാനില്ലെന്ന് ചെന്താമര മറുപടി നല്കി.
നെന്മാറ ഇരട്ടക്കൊലക്കേസിലും പ്രതിയാണ് ചെന്താമര. അയല്വാസിയായിരുന്ന പോത്തുണ്ടി തിരുത്തംപാടം ബോയന് കോളനിയില് സുധാകരന്റെ ഭാര്യ സജിതയെ 2019 ഓഗസ്റ്റ് 31-നാണ് ചെന്താമര വെട്ടിക്കൊന്നത്.