ഓസ്ട്രേലിയൻ ക്രിക്കറ്റ് താരം ഉസ്മാൻ ഖവാജ രാജ്യാന്തര ക്രിക്കറ്റിൽ നിന്ന് വിരമിക്കൽ പ്രഖ്യാപിച്ചു. ഇംഗ്ലണ്ടിനെതിരായ ആഷസ് പരമ്പരയിലെ അഞ്ചാം മത്സരത്തോടെ 15 വർഷം നീണ്ട കരിയറിന് അദ്ദേഹം വിരാമമിടും. 2011-ൽ അരങ്ങേറ്റം കുറിച്ച ഖവാജ, ഓസ്ട്രേലിയൻ ടെസ്റ്റ് ടീമിലെത്തുന്ന ആദ്യ മുസ്ലീം താരമെന്ന ഖ്യാതിയോടെയാണ് പടിയിറങ്ങുന്നത്.
തന്റെ 88-ാം ടെസ്റ്റ് മത്സരമാകും ഖവാജയുടെ കരിയറിലെ അവസാനത്തേത്. വിരമിക്കൽ പ്രഖ്യാപനത്തിന് പിന്നാലെ തന്റെ ക്രിക്കറ്റ് ജീവിതത്തെക്കുറിച്ച് ഉസ്മാൻ ഖവാജ വികാരാധീനനായി സംസാരിച്ചു. ഓസ്ട്രേലിയൻ ടീമിനായി ഇത്രയധികം മത്സരങ്ങൾ കളിക്കാനായതിൽ താൻ അങ്ങേയറ്റം ഭാഗ്യവാനാണെന്നും കരിയറിനെക്കുറിച്ച് വലിയ സംതൃപ്തിയുണ്ടെന്നും അദ്ദേഹം പറഞ്ഞു.
തന്റെ കരിയറിലൂടെ ഒരുപാടുപേർക്ക് പ്രചോദനമാകാൻ സാധിച്ചുവെന്ന് വിശ്വസിക്കുന്നതായും അദ്ദേഹം കൂട്ടിച്ചേർത്തു.ഓസ്ട്രേലിയൻ ടീമിലെ ആദ്യ മുസ്ലീം താരമെന്ന നിലയിൽ നേരിട്ട വെല്ലുവിളികളെ അതിജീവിച്ചാണ് ഖവാജ ഈ നേട്ടങ്ങളെല്ലാം കൈവരിച്ചത്.
15 വർഷത്തെ കരിയറിൽ 88 ടെസ്റ്റ് മത്സരങ്ങൾ പൂർത്തിയാക്കി പടിയിറങ്ങുമ്പോൾ, വരുംതലമുറയ്ക്ക് വലിയൊരു മാതൃകയാണ് അദ്ദേഹം.പാകിസ്ഥാനിൽ നിന്ന് ഓസ്ട്രേലിയയിലേക്ക് കുടിയേറിയ ഒരു മുസ്ലീം ബാലന് ഓസ്ട്രേലിയൻ ക്രിക്കറ്റ് ടീമിനായി കളിക്കാൻ കഴിയില്ലെന്ന് പലരും പറഞ്ഞിരുന്നതായി ഉസ്മാൻ ഖവാജ വെളിപ്പെടുത്തി.
കുട്ടിക്കാലത്ത് കുടുംബത്തോടൊപ്പം ഓസ്ട്രേലിയയിലെത്തിയ ഖവാജ, നിരവധി വെല്ലുവിളികളെ അതിജീവിച്ചാണ് ഈ നേട്ടം കൈവരിച്ചത്.ഓസ്ട്രേലിയൻ ക്രിക്കറ്റിലെ ആദ്യ പാക് മുസ്ലീം താരമായി മാറിയ അദ്ദേഹം, ഒരു ഘട്ടത്തിൽ രാജ്യത്തെ ഏക ഏഷ്യൻ വംശജനായ ഫസ്റ്റ് ക്ലാസ് ക്രിക്കറ്റ് കളിക്കാരനായിരുന്നു. ഈ നേട്ടങ്ങളെ ചൂണ്ടിക്കാട്ടി