ജെ.ബി. കോശി കമ്മീഷൻ റിപ്പോർട്ട് നടപ്പിലാക്കുന്നതിലെ കാലതാമസത്തെച്ചൊല്ലി മുഖ്യമന്ത്രി പിണറായി വിജയനെതിരെ കടുത്ത വിമർശനവുമായി ദീപിക മുഖപ്രസംഗം. റിപ്പോർട്ട് സമർപ്പിച്ച് രണ്ടര വർഷം കഴിഞ്ഞിട്ടും നടപടി സ്വീകരിക്കാത്ത സർക്കാർ നിലപാട് ക്രൈസ്തവരെ വിഡ്ഢികളാക്കുന്നതിന് തുല്യമാണെന്ന് പത്രം ആരോപിക്കുന്നു.
തിരഞ്ഞെടുപ്പ് അടുത്തപ്പോൾ ജെ.ബി. കോശി കമ്മീഷൻ റിപ്പോർട്ടിലെ ഭൂരിഭാഗം ശുപാർശകളും നടപ്പിലാക്കിയെന്ന മുഖ്യമന്ത്രിയുടെ അവകാശവാദത്തെ പരിഹസിച്ച് ദീപിക മുഖപ്രസംഗം. സമുദായം അറിയാതെ നടപ്പിലാക്കിയ ആ ആനുകൂല്യങ്ങൾ എന്താണെന്ന് തിരിച്ചറിയാൻ റിപ്പോർട്ട് ഉടൻ പുറത്തുവിടണമെന്ന് പത്രം ആവശ്യപ്പെടുന്നു.
അതിദാരിദ്ര്യം തുടച്ചുനീക്കിയതിനേക്കാൾ ലഘുവായി ഈ വിഷയത്തെ മുഖ്യമന്ത്രി കൈകാര്യം ചെയ്യുന്നത് ക്രൈസ്തവരോടുള്ള അവഗണനയാണെന്നും ദീപിക കുറ്റപ്പെടുത്തി.
2020-ൽ നിയമിച്ച് 2023-ൽ റിപ്പോർട്ട് സമർപ്പിച്ച ജെ.ബി. കോശി കമ്മീഷനിലെ 220 ശുപാർശകൾ നടപ്പാക്കിയെന്ന മുഖ്യമന്ത്രിയുടെ അവകാശവാദം അടിസ്ഥാനരഹിതമാണെന്ന് ദീപിക മുഖപ്രസംഗം. ശുപാർശകൾ എവിടെ, എങ്ങനെ നടപ്പാക്കിയെന്ന് ആർക്കും കണ്ടെത്താനാകുന്നില്ലെന്ന് പത്രം കുറ്റപ്പെടുത്തുന്നു.
ആനുകൂല്യങ്ങൾ നടപ്പാക്കിയതിന്റെ ലക്ഷണമോ ഫലമോ അനുഭവവേദ്യമല്ലെന്നും, നടപ്പാക്കിയ കാര്യങ്ങൾ എന്തൊക്കെയെന്ന് അറിയാനുള്ള അവകാശം ക്രൈസ്തവ സമൂഹത്തിനുണ്ടെന്നും മുഖപ്രസംഗം ഓർമ്മിപ്പിക്കുന്നു. 2023 ഡിസംബറിൽ ന്യൂനപക്ഷ മന്ത്രി നൽകിയ ഉറപ്പ് പാലിക്കപ്പെട്ടില്ലെന്നും, സഭകളുടെ പ്രതിഷേധം അവഗണിക്കുകയാണെന്നും പത്രം കുറ്റപ്പെടുത്തുന്നു.