ബരാമതിയിലുണ്ടായ വിമാനാപകടത്തിൽ മഹാരാഷ്ട്ര ഉപമുഖ്യമന്ത്രി അജിത് പവാറും (66) വിമാനത്തിലുണ്ടായിരുന്ന മറ്റ് അഞ്ചുപേരും അന്തരിച്ചു. മുംബൈയിൽ നിന്നുള്ള യാത്രയ്ക്കിടെ വിമാനം തകർന്ന് പൂർണ്ണമായും കത്തിനശിക്കുകയായിരുന്നുവെന്ന് പിടിഐ (PTI) റിപ്പോർട്ട് ചെയ്യുന്നു.
രാവിലെ 8.45-ന് ലാൻഡിംഗിനിടെ വിമാനം തകർന്ന് വീണ് പൊട്ടിത്തെറിച്ചാണ് അപകടമുണ്ടായത്. അജിത് പവാർ, പൈലറ്റ്, സുരക്ഷാ ഉദ്യോഗസ്ഥർ എന്നിവരടക്കം ആറുപേരും സംഭവസ്ഥലത്തുതന്നെ മരിച്ചു. അപകടത്തെത്തുടർന്ന് ബരാമതി വിമാനത്താവളത്തിന്റെ പ്രവർത്തനം താൽക്കാലികമായി നിർത്തിവെച്ചു.
ആറ് സർക്കാരുകളിൽ ഉപമുഖ്യമന്ത്രിയായി സേവനമനുഷ്ഠിച്ച അജിത് പവാർ, എട്ടുതവണ നിയമസഭയിലേക്കും ഒരുതവണ ലോക്സഭയിലേക്കും തിരഞ്ഞെടുക്കപ്പെട്ട അജയ്യനായ നേതാവായിരുന്നു. മഹാരാഷ്ട്ര രാഷ്ട്രീയത്തിലെ ഈ കരുത്തന്റെ അപ്രതീക്ഷിത വിയോഗം രാഷ്ട്രീയ കേരളത്തെയും ഞെട്ടിച്ചിരിക്കുകയാണ്.