മലപ്പുറം കുറ്റിപ്പുറത്ത് വയറിളക്കവും ഛർദ്ദിയും ബാധിച്ച് ഏഴ് വയസ്സുകാരി ലസ്ന മരിച്ചു. കുട്ടിയുടെ മാതാപിതാക്കളും ബന്ധുക്കളും ഉൾപ്പെടെ അഞ്ച് പേർ സമാനമായ ലക്ഷണങ്ങളോടെ ചികിത്സയിലാണ്. ഭക്ഷ്യവിഷബാധയാണോ മരണകാരണമെന്ന് പോലീസ് പരിശോധിച്ചുവരുന്നു.
ക്ഷീണം അനുഭവപ്പെട്ട ഗർഭിണിയായ ഷഹലയ്ക്കും മകൾ മിൻസയ്ക്കും ഡ്രിപ്പ് നൽകി; മറ്റുള്ളവരും ചികിത്സയിലാണ്.ചികിത്സയ്ക്കിടെ ലസ്ന കുഴഞ്ഞുവീണ് മരിച്ചു.
തുടർന്ന് ലക്ഷണങ്ങൾ പ്രകടിപ്പിച്ച മറ്റുള്ളവരെ വിദഗ്ധ ചികിത്സയ്ക്കായി കോട്ടയ്ക്കലിലെ സ്വകാര്യ ആശുപത്രിയിലേക്ക് മാറ്റി.ഫ്രിഡ്ജിൽ സൂക്ഷിച്ച വീട്ടിലുണ്ടാക്കിയ ഭക്ഷണം കഴിച്ചതാണ് മരണകാരണമെന്ന് സംശയിക്കുന്നു. ഭക്ഷണസാമ്പിളുകൾ പരിശോധനയ്ക്ക് അയച്ചു; പോസ്റ്റ്മോർട്ടം റിപ്പോർട്ട് വന്നാലേ മരണകാരണം വ്യക്തമാകൂ എന്ന് ആരോഗ്യവകുപ്പ് അറിയിച്ചു.