പത്തനംതിട്ട ജനറൽ ആശുപത്രിയിലെ അത്യാഹിത വിഭാഗത്തിന് മുന്നിൽ വെച്ച് ഓമല്ലൂർ സ്വദേശി ഗംഗാധരന്റെ (78) തലയിൽ ചക്ക വീണ് പരിക്കേറ്റു. തലയ്ക്കും കൈയ്ക്കും പരിക്കേറ്റ അദ്ദേഹത്തിന്റെ ആരോഗ്യനില നിലവിൽ തൃപ്തികരമാണ്.
മരുന്നുവാങ്ങാൻ വരിനിൽക്കുന്നതിനിടെ തലയിൽ ചക്ക വീണ് ബോധരഹിതനായ ഗംഗാധരൻ നിലവിൽ നിരീക്ഷണത്തിലാണ്. മരുന്നിനായി എത്തിയപ്പോഴാണ് ഈ അപ്രതീക്ഷിത അപകടം ഉണ്ടായത്.
മുകളിലായതിനാൽ ശ്രദ്ധയിൽപ്പെട്ടില്ലെന്നും സാധാരണയായി ചക്കകൾ പറിച്ചുമാറ്റാറുണ്ടെന്നും ആശുപത്രി ജീവനക്കാർ വിശദീകരിച്ചു. അപകടമുണ്ടാക്കിയ പ്ലാവ് മുറിച്ചുമാറ്റാൻ അപേക്ഷ നൽകിയിട്ടുണ്ടെന്നും അധികൃതർ അറിയിച്ചു.