അങ്കമാലി മോണിംഗ് സ്റ്റാർ കോളേജിലെ രണ്ടാം വർഷ ബി.കോം വിദ്യാർത്ഥിനി ജാസ്ലിയ ജോൺസന്റെ (19) വിയോഗം നാടിനെയാകെ കണ്ണീരിലാഴ്ത്തിയിരിക്കുകയാണ്. ഫെബ്രുവരി 28-ന് ജോലി കഴിഞ്ഞ് മടങ്ങവേ അമിതവേഗതയിലെത്തിയ കാറിടിച്ചാണ് ജാസ്ലിയയ്ക്ക് ഗുരുതരമായി പരിക്കേറ്റത്.
മസ്തിഷ്ക മരണം സ്ഥിരീകരിച്ചതോടെ, അവയവദാനത്തിന്റെ മഹത്വം മുൻപേ തിരിച്ചറിഞ്ഞിരുന്ന ജാസ്ലിയയുടെ ആഗ്രഹം മാനിച്ച് അവയവങ്ങൾ ദാനം ചെയ്യാൻ ബന്ധുക്കൾ സമ്മതിച്ചു.
പഠനത്തിലുംസ്പോർട്സിലും മികവ് തെളിയിച്ച ജാസ്ലിയ, ഐ.ഐ.എമ്മിൽ ഉപരിപഠനം സ്വപ്നം കണ്ടിരുന്ന ഒരു കുടുംബത്തിന്റെ ഏക പ്രതീക്ഷയായിരുന്നു. മരണത്തിലും മറ്റുള്ളവർക്ക് പുതുജീവൻ നൽകി അവൾ മാതൃകയായി മാറുന്നു.
കുടുംബത്തിന്റെ ഏക പ്രതീക്ഷയായ ജസ്ലിയയുടെ വിയോഗം ആ കുടുംബത്തെ വലിയ പ്രതിസന്ധിയിലാക്കിയിരിക്കുകയാണ്. ഈ സാഹചര്യത്തിൽ അവർക്ക് അർഹമായ നിയമസഹായവും ഇൻഷുറൻസ് ആനുകൂല്യങ്ങളും ഉറപ്പാക്കേണ്ടത് അത്യാവശ്യമാണ്.
ജസ്ലിയയ്ക്ക് നീതി വേണം: നിയമസഹായവും ഇൻഷുറൻസ് പരിരക്ഷയും
അങ്കമാലിയിൽ വാഹനാപകടത്തിൽ പരിക്കേറ്റ കോളേജ് വിദ്യാർത്ഥിനി ജസ്ലിയ ആ കുടുംബത്തിന്റെ ഏക താങ്ങും തണലുമായിരുന്നു.
മെഡിക്കൽ വിദ്യാർത്ഥികൾ ഓടിച്ച കാറിടിച്ച അശ്രദ്ധമായ ഈ അപകടം ഒരു കുടുംബത്തിന്റെ സ്വപ്നങ്ങളെയാണ് തകർത്തത്. കുറ്റക്കാർക്കെതിരെ ശക്തമായ ജാമ്യമില്ലാ വകുപ്പുകൾ ചുമത്തി മാതൃകാപരമായ നിയമനടപടി സ്വീകരിക്കേണ്ടതുണ്ട്.
അതോടൊപ്പം തന്നെ, ജസ്ലിയയുടെ ചികിത്സാച്ചെലവുകൾക്കും ഭാവി സുരക്ഷയ്ക്കും വേണ്ടി മോട്ടോർ ആക്സിഡന്റ് ക്ലെയിംസ് ട്രൈബ്യൂണൽ (MACT) വഴി അർഹമായ ഇൻഷുറൻസ് തുക ലഭ്യമാക്കാൻ അടിയന്തര ഇടപെടൽ ആവശ്യമാണ്.
ഇടിച്ച വാഹനം ഇൻഷുറൻസ് പരിരക്ഷയുള്ളതാണെങ്കിൽ, അപകടത്തിന് കാരണമായ ഡ്രൈവറുടെ വീഴ്ച ബോധ്യപ്പെടുത്തി കുടുംബത്തിന് വലിയൊരു തുക നഷ്ടപരിഹാരമായി നേടിയെടുക്കാൻ സാധിക്കും. ഈ പ്രതിസന്ധി ഘട്ടത്തിൽ നിയമവിദഗ്ധരുടെയും അധികൃതരുടെയും പൂർണ്ണ പിന്തുണ ആ കുടുംബത്തിന് ഉറപ്പാക്കേണ്ടതുണ്ട്.
ഈ സംഭവത്തിൽ ഏത് ഭാഗത്തുനിന്ന് അലംഭാവമുണ്ടായാലും വരും ദിവസങ്ങളിൽ ശക്തമായ സമരപരിപാടികൾ സംഘടിപ്പിക്കുമെന്ന് വിദ്യാർത്ഥി യൂണിയനുകൾ മുന്നറിയിപ്പ് നൽകി. ജസ്ലിയയുടെ കുടുംബത്തിന് നീതി ഉറപ്പാക്കുന്നതിൽ വീഴ്ചയുണ്ടായാൽ പ്രതിഷേധം കടുപ്പിക്കാനാണ് ഇവരുടെ തീരുമാനം.