ലക്ഷ്യങ്ങള് ഏകദേശം പൂര്ത്തിയായതായും ഇറാനിലെ സൈനിക നടപടികള് അവസാനിപ്പിക്കുന്നതിനെ കുറിച്ച് ആലോചിക്കുന്നതായി അമേരിക്കന് പ്രസിഡന്റ് ഡോണള്ഡ് ട്രംപ്.
ട്രൂത്ത് സോഷ്യല് മീഡിയയിലൂടെയായിരുന്നു ട്രംപിന്റെ പ്രസ്താവന.
ഇറാന് ഭരണകൂടവുമായി ചര്ച്ചകള്ക്ക് തയ്യാറാണെന്നും വെടിനിര്ത്തല് പ്രഖ്യാപിക്കാന് ഉദ്ദേശിക്കുന്നില്ലെന്നും ട്രംപ് വ്യക്തമാക്കി. ഹോര്മൂസ് കടലിടുക്കിനെ ആശ്രയിക്കുന്ന രാജ്യങ്ങള് അതിന്റെ സുരക്ഷ ഏറ്റെടുക്കണമെന്നും ട്രംപ് ആവശ്യപ്പെട്ടു.
അതേസമയം ഇസ്രാഈലിനും അമേരിക്കയ്ക്കും എതിരെ ഇറാന് നടത്തുന്ന ചെറുത്തുനില്പ്പ് മിസൈലുകളിലോ ഡ്രോണുകളിലോ യുദ്ധക്കളങ്ങളിലോ മാത്രം ഒതുങ്ങില്ലെന്ന മുന്നറിയിപ്പുമായി ഇറാന്റെ പരമോന്നത നേതാവ് മൊജ്തബ ഖമനയി.
ഈദ് സന്ദേശത്തിലാണ് അദ്ദേഹം ഇക്കാര്യം വ്യക്തമാക്കിയത്. രാജ്യത്തെ അഭിസംബോധന ചെയ്ത അദ്ദേഹം രക്തസാക്ഷികളായ ജനതയുടെ കുടുംബങ്ങള്ക്ക് അനുശോചനം അറിയിക്കുകയും ചെയ്തു.