പശ്ചിമേഷ്യയിലെ യുദ്ധസമാനമായ സാഹചര്യങ്ങൾ കപ്പൽ ഗതാഗതത്തെ ബാധിക്കുന്നത് ഇതാദ്യമല്ല. ചരിത്രത്തിലെ സമാനമായ ഒരു കൗതുകകരമായ സംഭവമാണ് ‘യെലോ ഫ്ലീറ്റ്1967-ൽ ഇസ്രായേലും അറബ് രാജ്യങ്ങളും തമ്മിൽ നടന്ന ആറ് ദിന യുദ്ധത്തെ തുടർന്നാണ് ഈ പ്രതിസന്ധി ഉണ്ടായത്.
യുദ്ധം പൊട്ടിപ്പുറപ്പെട്ടതോടെ ഈജിപ്ത് സൂയസ് കനാൽ അടച്ചുപൂട്ടുകയും കപ്പലുകൾ കടന്നുപോകാതിരിക്കാൻ കനാലിന് കുറുകെ ഖനികളും പഴയ കപ്പലുകളും മുക്കി തടസ്സങ്ങൾ സൃഷ്ടിക്കുകയും ചെയ്തു. ഈ സമയത്ത് കനാലിലൂടെകടന്നുപോയിരുന്ന വിവിധ രാജ്യങ്ങളിൽ നിന്നുള്ള 14 ചരക്കുകപ്പലുകൾ അവിടെ കുടുങ്ങിപ്പോയി.
പിന്നീട് എട്ടു വർഷക്കാലം ഈ കപ്പലുകൾക്ക് അവിടെത്തന്നെ കഴിയേണ്ടി വന്നു. മണൽക്കാറ്റും പൊടിയും അടിഞ്ഞുകൂടികപ്പലുകളുടെ നിറം മങ്ങിയതിനാലാണ് ഇവയ്ക്ക് ‘യെലോ ഫ്ലീറ്റ്’ എന്ന പേര് ലഭിച്ചത്. കപ്പലിലെ ജീവനക്കാർ അവിടെ സ്വന്തമായി ഒരു കമ്മ്യൂണിറ്റി രൂപീകരിക്കുകയും, കായിക മത്സരങ്ങളും തപാൽ സംവിധാനവും വരെ ആവിഷ്കരിക്കുകയും ചെയ്തു.
ഒടുവിൽ 1975-ൽ കനാൽ വീണ്ടും തുറന്നപ്പോൾ മാത്രമാണ് ഇവയ്ക്ക് പുറത്തുകടക്കാനായത്.ഇറാൻ ഇപ്പോൾ ഹോർമുസ് കടലിടുക്ക് അടച്ചതുപോലെയുള്ള നടപടികൾ ആഗോള വിപണിയെയും ചരക്കുനീക്കത്തെയും എത്രത്തോളം ദോഷകരമായി ബാധിക്കുമെന്നതിന്റെ ചരിത്രപരമായ ഉദാഹരണമാണിത്.
1967-ലെ ആറ് ദിന യുദ്ധത്തെ തുടർന്ന് ഈജിപ്ത് സൂയസ് കനാൽ അടച്ചതോടെയാണ് 14 കപ്പലുകൾ ഗ്രേറ്റ് ബിറ്റർ ലേക്ക് (Great Bitter Lake) മേഖലയിൽ കുടുങ്ങിയത്.
കനാലിന്റെ ഇരുവശങ്ങളും ഈജിപ്ത് തടസ്സപ്പെടുത്തിയതോടെ ഈ കപ്പലുകൾക്ക് പുറത്തുകടക്കാൻ കഴിയാത്ത അവസ്ഥയായി. തുടർന്ന് ഇസ്രായേലും ഈജിപ്തും തമ്മിൽ വർഷങ്ങളോളം നീണ്ടുനിന്നസംഘർഷങ്ങൾ (War of Attrition) ഈ മേഖലയെ ഒരു യുദ്ധഭൂമിയാക്കി മാറ്റി.
സൂയസ് കനാലിൽ കുടുങ്ങിയ ആ 14 കപ്പലുകളിലെ നാവികർ ചേർന്ന് ‘ഗ്രേറ്റ് ബിറ്റർ ലേക്ക് അസോസിയേഷൻ’ എന്ന പേരിൽ ഒരു കൊച്ചു ലോകം തന്നെ അവിടെ സൃഷ്ടിച്ചു. ലോക ചരിത്രത്തിലെ ഏറ്റവും വേറിട്ട ഒരു കൂട്ടായ്മയായിരുന്നു അത്:
എട്ടു വർഷത്തെ കാത്തിരിപ്പിനുശേഷം 1975-ൽ ഈജിപ്തും ഇസ്രയേലും തമ്മിലുണ്ടാക്കിയ വെടിനിർത്തൽ കരാറിനെത്തുടർന്ന് സൂയസ് കനാൽ വീണ്ടും തുറന്നു. എന്നാൽ അപ്പോഴേക്കും ആ 14 കപ്പലുകളുടെയും അവസ്ഥ ദയനീയമായിരുന്നു: