ട്രംപിന്റെ 15 വെടിനിർത്തൽ ഉപാധികൾ തള്ളിയ ഇറാൻ, യുദ്ധം അവസാനിപ്പിക്കാൻ 5 നിബന്ധനകൾ മുന്നോട്ടുവെച്ചു. ഹോർമുസിലെ പരമാധികാരം അംഗീകരിക്കുക, ആക്രമണങ്ങൾ നിർത്തുക, വീണ്ടും യുദ്ധമുണ്ടാകില്ലെന്ന് ഉറപ്പുനൽകുക, യുദ്ധനഷ്ടം പരിഹരിക്കുക എന്നിവയാണ് പ്രധാന ആവശ്യങ്ങൾ.
ഇറാൻ ഉദ്യോഗസ്ഥരെ ഉദ്ധരിച്ച് പ്രസ് ടിവിയാണ് ഈ വാർത്ത റിപ്പോർട്ട് ചെയ്തത്.യുദ്ധം അവസാനിപ്പിക്കാൻ നഷ്ടപരിഹാരവും സുരക്ഷാ ഉറപ്പും ഇറാൻ ആവശ്യപ്പെട്ടു. ഇതിനിടെ, ഇറാന്റെ പ്രധാന വരുമാന സ്രോതസ്സായ ഖാർഗ് ദ്വീപ് പിടിച്ചെടുക്കാൻ അമേരിക്ക നീക്കം നടത്തുന്നതായി റിപ്പോർട്ടുകളുണ്ട്.
ദ്വീപിൽ കരസേനയെ ഇറക്കി ഇറാന്റെ എണ്ണ കയറ്റുമതി തടയാനും സാമ്പത്തികമായി തകർക്കാനുമാണ് യുഎസ് ലക്ഷ്യമിടുന്നത്.