പശ്ചിമേഷ്യൻ യുദ്ധസാഹചര്യങ്ങൾക്കിടയിലും ആശ്വാസമായി കൊച്ചിയിൽ എൽപിജി ടാങ്കറെത്തി. ഖത്തറിൽ നിന്നുള്ള 9,086 മെട്രിക് ടൺ പാചകവാതകവുമായി ‘അപ്പോളോ ഓഷ്യൻ’ എന്ന കപ്പലാണ് ഇന്നലെ ഉച്ചയ്ക്ക് എത്തിയത്.
മംഗലാപുരത്ത് ഒരു ഭാഗം ഇറക്കിയ ശേഷമാണ് ബാക്കി എൽപിജിയുമായി ടാങ്കർ കൊച്ചി തീരമണഞ്ഞത്. ഇന്ധനലഭ്യതയിലെ ആശങ്കകൾ പരിഹരിക്കാൻ ഈ വരവ് സഹായിക്കും.
പുതുവൈപ്പിലെ ഐഒസി (IOC) ടെർമിനലിലാണ് കപ്പലിൽ നിന്നുള്ള എൽപിജി സംഭരിക്കുന്നത്. ഇന്ന് വൈകിട്ടോടെ വാതകം ഇറക്കി മടങ്ങുന്ന ടാങ്കർ, ഇന്ത്യൻ ഓയിലിന്റെ വിവിധ പ്ലാന്റുകളിലേക്ക് വിതരണത്തിനായി അയക്കും. വാണിജ്യ ഗ്യാസ് വിതരണത്തിൽ നിലവിൽ നിയന്ത്രണങ്ങളുള്ളതിനാൽ, ഈ ഇറക്കുമതി എണ്ണക്കമ്പനികൾക്ക് വലിയ ആശ്വാസമാകും.