ആന്ധ്രയില്‍ ട്രെയിനുകൾ കൂട്ടിയിടിച്ച് 12 പേര്‍മരിച്ചു. വിഴിയനഗര ജില്ലയിലെ കണ്ടകപ്പള്ളി എന്ന സ്ഥലത്തു രാത്രി ഏഴരയോടെ ആയിരുന്നു അപകടം. 32 പേര്‍ക്ക് പരുക്കേറ്റു. . റായ്ഗഡയിലേക്ക് പോവുകയായിരുന്ന പാസഞ്ചർ ട്രെയിനും പാലസ എക്സ്പ്രസുമാണ് കൂട്ടിയിടിച്ചത്. ഓവർ ഹെഡ് കേബിൾ പൊട്ടിയതിനെ തുടർന്നു നിർത്തിയിട്ടിരുന്ന പാസഞ്ചർ ട്രെയിനിലേക്ക് എക്സ്പ്രസ് ഇടിച്ചു കയറുകയായിരുന്നു. പാസഞ്ചറിന്റെ മൂന്ന് ബോഗികൾ പാളം തെറ്റി. സിഗ്നൽ പിഴവാണോ അപകടകാരണമെന്ന് പരിശോധിക്കുമെന്ന് റെയിൽവേ ഡിവിഷണൽ മാനേജർ അറിയിച്ചു.