ഡല്‍ഹിയില്‍ കനത്തമഴയെ തുടര്‍ന്നുണ്ടായ വെള്ളക്കെട്ടില്‍ കുടുങ്ങി തിരുവനന്തപുരം എം പിയും കോണ്‍ഗ്രസ് നേതാവുമായ ശശി തരൂർ. ഡല്‍ഹി ല്യുട്ടിന്‍സിലെ തരൂരിന്റെ വസതിയിലും വെള്ളം കയറുകയായിരുന്നു. ഇതിന്റെ ദൃശ്യങ്ങള്‍ സാമൂഹിക മാധ്യമമായ എക്സിൽ ശശി തരൂര്‍ പങ്കുവെച്ചിട്ടുണ്ട്.
രാവിലെ എഴുന്നേറ്റപ്പോള്‍ വീടിന്റെ അകം മുഴുവനും വെള്ളം കയറിയിരുന്നെന്നും കാര്‍പ്പറ്റ്, വീട്ടുപകരണങ്ങള്‍ അങ്ങനെ തറയിലുണ്ടായിരുന്ന മുഴുവന്‍ വസ്തുക്കളും നശിച്ചെന്നും തരൂര്‍ കുറിച്ചു.