ജോജു ജോർജിന്‍റെ ‘പണി’യിൽ ഇരുവരും ഒന്നിക്കുന്നുവെന്നത് സിനിമയ്ക്ക് നൽകുന്ന ഹൈപ്പ് വലുതാണ്
മലയാളം, തമിഴ് ഭാഷകളിലായി ഹിറ്റ് ഗാനങ്ങൾ മാത്രം നൽകിയ രണ്ട് സൂപ്പർ ഹിറ്റ് സംഗീത സംവിധായകർ ഒന്നിക്കുന്ന ഒരു ചിത്രം. അതും സൂപ്പർ ഹിറ്റ് നായകനൊപ്പം, ആവേശം കൂടാൻ ഇനി ഇതിൽപ്പരം എന്ത് വേണം. ജോജു ജോർജ് ആദ്യമായി രചന – സംവിധാനം നിർവഹിക്കുന്ന ‘പണി’ സിനിമയിൽ ആണ് ഹിറ്റ് സംഗീത സംവിധായകർ ആയ വിഷ്ണു വിജയ്, സാം സി എസ് എന്നിവർ ഒന്നിക്കുന്നത്. ഇരുവരും ചേർന്നാണ് പണിയിലെ ഗാനങ്ങൾ ഒരുക്കിയിരിക്കുന്നത്, മാത്രവുമല്ല ചിത്രത്തിലെ ആർ ആർ ഒരുക്കിയതും ഇരുവരും ചേർന്നാണ്. മലയാളത്തിലും തമിഴിലുമായി നിരവധി ഗാനങ്ങൾക്ക് ഇരുവരും സംഗീതം നൽകിയിട്ടുണ്ട്. ജോജുവിന്റെ ‘പണി’യിൽ ഇരുവരും ഒന്നിക്കുന്നുവെന്നത് സിനിമയ്ക്ക് നൽകുന്ന ഹൈപ്പ് വലുതാണ്. ഒരുപിടി മികച്ച ഗാനങ്ങൾ നൽകിയ ഈ സംഗീത സംവിധായകർ പണിയിൽ ഒരുക്കി വെച്ചിരിക്കുന്ന മാജിക് എന്താണ് എന്നറിയാൻ ഓഗസ്റ്റ് വരെ കാത്തിരുന്നാൽ മതി. പണി ഓഗസ്റ് ആദ്യ വാരം റിലീസിനെത്തുമെന്നാണ് സൂചന.