സംസ്ഥാനത്ത് കനത്തമഴ തുടരുന്നു. വടക്കന്‍ ജില്ലകളിലും മധ്യകേരളത്തിലുമാണ് അതിശക്തമായ മഴ തുടരുന്നത്. കാലാവസ്ഥാ വകുപ്പ് എല്ലാജില്ലകളിലും മഴ മുന്നറിയിപ്പ് പുറപ്പെടുവിച്ചു.രണ്ടു ജില്ലകളില്‍ റെഡ് അലര്‍ട്ട് നല്‍കിയിട്ടുണ്ട്.
വയനാടും കണ്ണൂരും തീവ്രമഴക്ക് സാധ്യതയുള്ളതിനാലാണ് റെഡ് അലര്‍ട്ട് പ്രഖ്യാപിച്ചത്. എട്ടു ജില്ലകളിലാണ് ഒാറഞ്ച് അലര്‍ട്ട് ഉള്ളത്. കോട്ടയം എറണാകുളം, ഇടുക്കി തൃശൂര്‍, പാലക്കാട് , മലപ്പുറം കോഴിക്കോട് കാസര്‍കോട് ജില്ലകളില്‍ ശക്തമായ മഴക്ക് സാധ്യതയുള്ളതിനെ തുടര്‍ന്നാണ് ഒാറഞ്ച് അലര്‍ട്ട് നല്‍കിയിട്ടുള്ളത്.
തിരുവനന്തപുരം കൊല്ലം പത്തനംതിട്ട ആലപ്പുഴ ജില്ലകളില്‍ യെലോ അലര്‍ട്ടാണ്. ഞായറാഴ്ചവരെ മഴ തുടരുമെന്ന് കാലാവസ്ഥാ വകുപ്പ് അറിയിച്ചു.
എല്ലാ ജില്ലകളിലും മഴ മുന്നറിയിപ്പ്; വയനാടും കണ്ണൂരും റെഡ് അലര്‍ട്ട് |ഇന്നും മഴയില്‍ കനത്ത നാശനഷ്ടമാണ്. കണ്ണൂരിൽ കനത്ത മഴയിൽ കാർ ഒഴുക്കിൽപ്പെട്ടു. മട്ടന്നൂരിന് സമീപം കൊട്ടാരം – പെരിയത്തിൽ റോഡിലാണ് ആഡംബര കാർ വെള്ളത്തിൽ മുങ്ങിയത്.
യാത്രക്കാരെ രക്ഷപ്പെടുത്തികനത്ത മൂടൽമഞ്ഞ് കാരണം കുവൈത്തിൽ നിന്ന് എത്തിയ എയർ ഇന്ത്യ എക്സ്പ്രസ് വിമാനം കണ്ണൂരിൽ ഇറക്കാൻ ആവാതെ കൊച്ചിയിലേക്ക് വഴി തിരിച്ചുവിട്ടു.