മഹേഷ് നാരായണൻ സംവിധാനം ചെയ്യുന്ന സിനിമയുടെ ചിത്രീകരണം ശ്രീലങ്കയിൽ ഇന്നു തുടങ്ങും. മമ്മൂട്ടിയും മോഹൻലാലും പ്രധാന വേഷങ്ങളിലെത്തുന്ന സിനിമ മലയാളത്തിലെ തന്നെ ഏറ്റവും ചെലവേറിയ സിനിമകളിലൊന്നാണ്.
സിനിമയുടെ ചിത്രീകരണത്തിനായി മോഹൻലാലിന് പിന്നാലെ മമ്മൂട്ടിയും കൊളംബോയിൽ വിമാനമിറങ്ങി.
കൊച്ചിയിൽ നിന്ന് മമ്മൂട്ടിക്കൊപ്പം ഭാര്യ സുൽഫത്ത്, ജോർജ്, കുഞ്ചാക്കോ ബോബൻ, ആന്റണി പെരുമ്പാവൂർ എന്നിവരും കൊളംബോയിലേക്ക് വിമാനം കയറിയിരുന്നു.നെടുമ്പാശ്ശേരി രാജ്യാന്തര വിമാനത്താവളത്തിൽ നിന്നുള്ള വീഡിയോ ആന്റണി പെരുമ്പാവൂർപങ്കുവച്ചു.