ക്രിക്കറ്റ് താരം വിരാട് കോലി ഇന്ത്യ വിടാനൊരുങ്ങുകയാണെന്ന് മുന്‍ പരിശീലകന്‍ രാജ്‌കുമാര്‍ ശര്‍മ. താരം കുടുംബത്തോടൊപ്പം യുകെയിലേക്ക് താമസം മാറ്റാനൊരുങ്ങുന്നുവെന്നാണ് വിവരം. ലണ്ടനാണ് കോലിക്ക് താമസിക്കാന്‍ ഇഷ്ടപ്പെട്ട നഗരം. ദേശീയമാധ്യമത്തിനു നല്‍കിയ അഭിമുഖത്തിലാണ് കോലിയുടെ മുന്‍ പരിശീലകന്റെ തുറന്നുപറച്ചില്‍.കോലി ആസ്വദിച്ചാണ് ക്രിക്കറ്റ് കളിക്കുന്നതെന്നും അദ്ദേഹത്തിന്റെ ഫോം വിഷയമല്ലെന്നും പരിശീലകന്‍.
ബുദ്ധിമുട്ടേറിയ സാഹചര്യങ്ങളിൽ എങ്ങനെ കളിക്കണമെന്നും ടീമിനെ വിജയിപ്പിക്കണമെന്നും വിരാട് കോലിക്കു നന്നായി അറിയാം. അദ്ദേഹം ഫിറ്റാണ്. വിരമിക്കാൻ പ്രായമായിട്ടില്ലെന്നും കോലി അഞ്ചു വർഷം കൂടി കളിക്കുമെന്നാണ് തനിക്കു തോന്നുന്നതെന്നും ശര്‍മ. 2027 ലെ ഏകദിന ലോകകപ്പും കോലി കളിക്കുമെന്നും ശര്‍മ പറയുന്നു.