കൊച്ചി: എറണാകുളം അങ്കമാലി അതിരൂപത മെത്രാപൊലീത്തന് വികാരിയായി ആര്ച്ച് ബിഷപ്പ് ജോസഫ് പാംപ്ലാനി ചുമതലയേറ്റു. അപ്പസ്തോലിക് അഡ്മിനിസ്ട്രേറ്റര് ബിഷപ്പ് ബോസ്കോ പുത്തൂര് രാജിവച്ചതിനെ തുടര്ന്നാണ് ജോസഫ് പാംപ്ലാനിയ്ക്ക് പുതിയ ചുമതല നൽകിയത്.
സംഘര്ഷാവസ്ഥ നിലനില്ക്കുന്ന പശ്ചാത്തലത്തില് പൊലീസ് സുരക്ഷയിലാണ് മേജര് ആര്ച്ച് ബിഷപ്പ് റാഫേല് തട്ടിലും ആര്ച്ച് ബിഷപ്പ് ജോസഫ് പാംപ്ലാനിയും ബിഷപ്പ് ഹൗസില് എത്തിയത്.
ബിഷപ്പ് ഹൗസില് അതിക്രമിച്ച് കയറിയതിന് ഏഴ് വൈദികര്ക്കെതിരെ ഇന്നലെ കേസെടുത്തിരുന്നു. ജാമ്യമില്ല വകുപ്പ് പ്രകാരമാണ് കേസെടുത്തത്. നിലവിലെ പ്രതിസന്ധി പരിഹരിക്കാന് വൈകിട്ട് ഏഴ് മണിക്ക് കളക്ടറുടെ നേതൃത്വത്തില് സമവായ ചര്ച്ച നടക്കും. മേജര് ആര്ച്ച് ബിഷപ്പ് റാഫേല് തട്ടിലും ആര്ച്ച് ബിഷപ്പ് ജോസഫ് പാംപ്ലാനിയും സമവായ ചര്ച്ചയില് പങ്കെടുത്തേക്കും.