2026-ലെ നിയമസഭാ തിരഞ്ഞെടുപ്പിൽ മത്സരിക്കാനുള്ള സന്നദ്ധത അറിയിച്ച് മുതിർന്ന കോൺഗ്രസ് നേതാവ് മുല്ലപ്പള്ളി രാമചന്ദ്രൻ രംഗത്തെത്തി. തന്റെ രാഷ്ട്രീയ തട്ടകമായ കോഴിക്കോട് ജില്ലയിലെ നാദാപുരം മണ്ഡലത്തിൽ മത്സരിക്കാനാണ് അദ്ദേഹം പ്രത്യേക താത്പര്യം പ്രകടിപ്പിച്ചിരിക്കുന്നത്. കൂടാതെ, വിജയസാധ്യത കണക്കിലെടുത്ത് കൊയിലാണ്ടി മണ്ഡലവും അദ്ദേഹത്തിനായി അനുയായികൾ നിർദ്ദേശിക്കുന്നുണ്ട്.
2026-ലെ നിയമസഭാ തിരഞ്ഞെടുപ്പിൽ മുല്ലപ്പള്ളിയുടെ സ്ഥാനാർത്ഥിത്വത്തെ എതിർത്ത് സംസ്ഥാന-ജില്ലാ നേതൃത്വങ്ങൾ രംഗത്തെത്തി. നാദാപുരത്ത് കെ.എം. അഭിജിത്തിനെയും കൊയിലാണ്ടിയിൽ ഡിസിസി പ്രസിഡന്റ് കെ. പ്രവീൺ കുമാറിനെയും മത്സരിപ്പിക്കാനാണ് നിലവിൽ നേതൃത്വത്തിന്റെ തീരുമാനം.