ലോകകപ്പിൽ നിന്ന് പാകിസ്ഥാൻ പിന്മാറിയാൽ പകരം ബംഗ്ലാദേശിനെ ഉൾപ്പെടുത്താൻ ഐസിസി (ICC) നീക്കം നടത്തുന്നു. ഇന്ത്യയുമായുള്ള തർക്കത്തെത്തുടർന്ന് ടൂർണമെന്റ് ബഹിഷ്കരിക്കാൻ പാകിസ്ഥാൻ ആലോചിക്കുന്ന സാഹചര്യത്തിലാണ് ഈ ബദൽ മാർഗം. പാകിസ്ഥാന്റെ പങ്കാളിത്തം സംബന്ധിച്ച അന്തിമ തീരുമാനം വരുന്ന തിങ്കളാഴ്ചയ്ക്കുള്ളിൽ പാകിസ്ഥാൻ ക്രിക്കറ്റ് ബോർഡ് (PCB) പ്രഖ്യാപിച്ചേക്കും.
പാകിസ്ഥാൻ ക്രിക്കറ്റ് ബോർഡ് (PCB) ചെയർമാൻ മൊഹ്സിൻ നഖ്വി ഇക്കാര്യം അറിയിച്ചു.ഇന്ത്യയിലും ശ്രീലങ്കയിലുമായി ഫെബ്രുവരി 7-നാണ് ടി20 ലോകകപ്പ് ആരംഭിക്കുന്നത്.
പാകിസ്ഥാൻ ക്രിക്കറ്റ് ബോർഡ് (പിസിബി) അന്തിമ തീരുമാനം പ്രഖ്യാപിക്കുന്നത് ഫെബ്രുവരി 2 വരെ നീട്ടിയത്, ഐസിസിക്ക് (ICC) മേൽ പരമാവധി സമ്മർദ്ദം ചെലുത്താനാണെന്നാണ് വിലയിരുത്തൽ.
ബംഗ്ലാദേശിന്റെ എല്ലാ മത്സരങ്ങളും നിഷ്പക്ഷ വേദിയായ ശ്രീലങ്കയിൽ നടത്തണമെന്ന ആവശ്യം സുരക്ഷാ കാരണങ്ങൾ ചൂണ്ടിക്കാട്ടി ഐസിസി (ICC) നേരത്തെ നിരസിച്ചിരുന്നു. ഈ തീരുമാനത്തെത്തുടർന്ന് ബംഗ്ലാദേശിനെ ലോകകപ്പിൽ നിന്ന് പുറത്താക്കുകയും, പകരം ഗ്രൂപ്പ് സിയിൽ സ്കോട്ട്ലൻഡിനെ ഉൾപ്പെടുത്തുകയും ചെയ്തു.
പാകിസ്ഥാൻ ലോകകപ്പിൽ നിന്ന് പിന്മാറുന്ന സാഹചര്യമുണ്ടായാൽ, ബംഗ്ലാദേശിനെ വീണ്ടും ടൂർണമെന്റിലേക്ക് തിരികെ കൊണ്ടുവരാനാണ് ഐസിസി ഇപ്പോൾ ആലോചിക്കുന്നത്.
ബംഗ്ലാദേശിനെ പിന്തുണച്ച് ലോകകപ്പ് ബഹിഷ്കരിക്കാൻ പാകിസ്ഥാൻ തീരുമാനിച്ചാൽ, ആ പ്രശ്നം പരിഹരിക്കാൻ ഐസിസി (ICC) ഒരു വഴി കണ്ടെത്തിയിട്ടുണ്ട്. പാകിസ്ഥാൻ പിന്മാറുന്ന പക്ഷം, അവർക്ക് പകരം ബംഗ്ലാദേശിനെ ഗ്രൂപ്പ് എ-യിൽ ഉൾപ്പെടുത്താനാണ് പദ്ധതി.
ഇതോടെ, സുരക്ഷാ കാരണങ്ങളാൽ തങ്ങളുടെ എല്ലാ മത്സരങ്ങളും ശ്രീലങ്കയിൽ നടത്തണമെന്ന ബംഗ്ലാദേശ് ക്രിക്കറ്റ് ബോർഡിന്റെ (BCB) ആവശ്യം സാങ്കേതിക തടസ്സങ്ങളില്ലാതെ നടപ്പിലാക്കാൻ ഐസിസിക്ക് സാധിക്കും.