നമീബിയയ്ക്കെതിരായ മത്സരത്തിലൂടെ സഞ്ജു സാംസൺ ടി20 ലോകകപ്പിൽ അരങ്ങേറ്റം കുറിച്ചു. ഇന്ത്യയുടെ ഓപ്പണറായി ഇറങ്ങിയ സഞ്ജു, വെറും 8 പന്തിൽ 3 സിക്സറും ഒരു ഫോറുമടക്കം 22 റൺസ് നേടി പുറത്തായി. ഇന്നിംഗ്സ് ചെറുതായിരുന്നെങ്കിലും തകർപ്പൻ ഹിറ്റുകളിലൂടെ തന്റെ ഫോമും ആത്മവിശ്വാസവും തെളിയിക്കാൻ താരത്തിന് സാധിച്ചു.
സഞ്ജു പുറത്തായപ്പോൾ നമീബിയൻ മെന്ററും മുൻ ഇന്ത്യൻ പരിശീലകനുമായ ഗാരി കിർസ്റ്റന്റെ പ്രതികരണമാണ് ഇപ്പോൾ ശ്രദ്ധേയമാകുന്നത്. രണ്ടാമത്തെ ഓവറിൽ ബെൻ ഷിക്കോംഗോയുടെ പന്തിൽ സ്റ്റീൻകാമ്പിന് ക്യാച്ച് നൽകിയാണ് താരം മടങ്ങിയത്. ഈ വിക്കറ്റിന് പിന്നാലെ കിർസ്റ്റൺ നടത്തിയ ഭാവങ്ങളാണ് സോഷ്യൽ മീഡിയയിൽ ഇപ്പോൾ ചർച്ചയാവുന്നത്.
ഇന്ത്യയുടെ ആദ്യ വിക്കറ്റായി സഞ്ജു മടങ്ങിയപ്പോൾ നമീബിയൻ ഡഗ് ഔട്ടിലിരുന്ന ഗാരി കിർസ്റ്റന്റെ പ്രതികരണം ശ്രദ്ധേയമായി. ഗൗരവഭാവത്തിലായിരുന്ന മുൻ ഇന്ത്യൻ പരിശീലകൻ, വിക്കറ്റ് വീണതോടെ ചിരിയടക്കാനാവാതെ ഇരിക്കുന്ന വീഡിയോയാണ് ഇപ്പോൾ വൈറലാകുന്നത്. നിലവിൽ നമീബിയയുടെ മെന്ററായ കിർസ്റ്റന്റെ ഈ ഭാവമാറ്റം സോഷ്യൽ മീഡിയയിൽ വലിയ ചർച്ചകൾക്ക് വഴിവെച്ചു.