ടി20 ക്രിക്കറ്റിൽ 700 വിക്കറ്റുകൾ തികയ്ക്കുന്ന ലോകത്തിലെ ആദ്യ താരമെന്ന റെക്കോർഡ് അഫ്ഗാനിസ്ഥാൻ നായകൻ റാഷിദ് ഖാൻ സ്വന്തമാക്കി. ഡൽഹിയിൽ നടന്ന ടി20 ലോകകപ്പ് മത്സരത്തിൽ യു.എ.ഇയുടെ മുഹമ്മദ് അർഫാനെ പുറത്താക്കിയാണ് 518-ാം മത്സരത്തിൽ അദ്ദേഹം ഈ നാഴികക്കല്ല് പിന്നിട്ടത്.
അന്താരാഷ്ട്ര ടി20-യിലും വിക്കറ്റ് വേട്ടയിൽ ഒന്നാമതുള്ള റാഷിദ് (191 വിക്കറ്റ്), ഡ്വെയ്ൻ ബ്രാവോയുടെ (631 വിക്കറ്റ്) റെക്കോർഡാണ് പഴങ്കഥയാക്കിയത്.അന്താരാഷ്ട്ര ടി20 ക്രിക്കറ്റിലും ഏറ്റവും കൂടുതൽ വിക്കറ്റുകൾ നേടിയ താരം റാഷിദ് ഖാൻ തന്നെയാണ്. വെറും 114 മത്സരങ്ങളിൽ നിന്ന് 191 വിക്കറ്റുകളാണ് അദ്ദേഹം വീഴ്ത്തിയത്.
ന്യൂസിലൻഡിൻ്റെ ടിം സൗത്തി (164 വിക്കറ്റ്), ഇഷ് സോധി (162 വിക്കറ്റ്) എന്നിവരാണ് ഈ പട്ടികയിൽ രണ്ടും മൂന്നും സ്ഥാനങ്ങളിൽ.
ടി20യിലെ മുൻനിര വിക്കറ്റ് വേട്ടക്കാർ (ക്രിക്കറ്റ് ചരിത്രത്തിൽ):
- റാഷിദ് ഖാൻ: 700 വിക്കറ്റുകൾ (518 മത്സരങ്ങൾ) – ഒന്നാം സ്ഥാനം
- ഡ്വെയ്ൻ ബ്രാവോ: 631 വിക്കറ്റുകൾ (582 മത്സരങ്ങൾ)
- സുനിൽ നരെയ്ൻ: 613 വിക്കറ്റുകൾ (583 മത്സരങ്ങൾ)
- ആന്ദ്രെ റസ്സൽ: 590 വിക്കറ്റുകൾ (508 മത്സരങ്ങൾ)
- ഇമ്രാൻ താഹിർ: 572 വിക്കറ്റുകൾ (448 മത്സരങ്ങൾ)