ലേഡി സൂപ്പര്‍സ്റ്റാര്‍ നയന്‍താരയുടെ പിറന്നാള്‍ ദിനത്തില്‍ ആശംസകളറിയിച്ച് നടി മഞ്ജു വാര്യര്‍. ഇന്‍സ്റ്റഗ്രാം സ്റ്റോറിയിലൂടെയാണ് താരം ആശംസകള്‍ അറിയിച്ചത്.ഹാപ്പി ബര്‍ത്ഡേ മൈ സൂപ്പര്‍സ്റ്റാര്‍, ഐ ലവ് യൂ സോമച്ച് , ആള്‍വെയ്സ് ആന്‍ഡ് ഫോര്‍ എവര്‍ എന്ന കാപ്ഷനോടുകൂടി ഇരുവരും ഒരുമിച്ചിരിക്കുന്ന ഫോട്ടോയാണ് മഞ്ജു പങ്കുവെച്ചത്.
പിറന്നാളാശംസ നേര്‍ന്നുകൊണ്ടുള്ള മഞ്ജുവിന്‍റെ പോസ്റ്റ് നയന്‍താര തന്‍റെ അക്കൗണ്ടില്‍ ഷെയര്‍ ചെയ്തു. പിറന്നാള്‍ ആശംസകള്‍ക്ക് നന്ദി പറഞ്ഞാണ് സ്റ്റോറി റീഷെയര്‍ ചെയ്തത്. മഞ്ജു വാര്യരെ കൂടാതെ നടി മഞ്ജിമ മോഹന്‍, ഷാറൂഖ് ഖാന്‍റെ ഉടമസ്ഥതയിലുള്ള റെഡ് ചില്ലീസ് എന്‍റെര്‍ടെയിന്‍മെന്‍റ് തുടങ്ങിയവരും താരത്തിന് പിറന്നാള്‍ ആശംസകള്‍ അറിയിച്ചു.