തിരുവനന്തപുരം പരീക്ഷ സമയത്ത് കെഎസ്‌യു വിദ്യാഭ്യാസ ബന്ദ് പ്രഖ്യാപിച്ചത് വിദ്യാർത്ഥികളോട് ചെയ്യുന്ന കടുത്ത ദ്രോഹം ആണെന്ന് മന്ത്രി ശിവൻകുട്ടി
കെഎസ്‌യു ഈ തീരുമാനത്തിൽ നിന്ന് പിന്തിരിയണം ഇല്ലെങ്കിൽ കോൺഗ്രസ് ഇടപെട്ട് കെഎസ്‌യുവിനെ പിന്തിരിപ്പിക്കണം
സംസ്ഥാനത്ത് എസ് എസ് എൽ സി, ഹയർ സെക്കൻഡറി വൊക്കേഷണൽ ഹയർ സെക്കൻഡറി ,പരീക്ഷകൾ നടക്കുന്ന ഈ സമയത്ത് വിദ്യാഭ്യാസമേഖലയെ കലുഷിതമാക്കാനുള്ള ആസൂത്രിത ശ്രമമാണ് കോൺഗ്രസും പോഷക സംഘടനകളും നടത്തുന്നത്
പ്ലസ് വൺ, പ്ലസ്ടു പൊതു പരീക്ഷകൾ നടക്കുന്ന ദിവസമാണ് ചൊവ്വാഴ്ച
4,69,341കുട്ടികളാണ് ഈ പരീക്ഷയ്ക്ക് ചൊവ്വാഴ്ച സ്കൂളിൽ എത്തുക പ്രൈമറി സെക്കൻഡറി സ്കൂൾ തല പരീക്ഷകളും നടക്കുന്നുണ്ട്
ഈ ഘട്ടത്തിൽ തെരുവുകൾ യുദ്ധക്കളമാക്കാൻ ഉള്ള ഗൂഢാലോചന ഉണ്ടോ എന്ന് സംശയിക്കേണ്ടിയിരിക്കുന്നു
സിദ്ധാർത്ഥിന്റെ കുടുംബത്തോടൊപ്പം ആണെന്ന് സംസ്ഥാന സർക്കാർ ആവർത്തിച്ച് വ്യക്തമാക്കിയിട്ടുണ്ട്
സംഭവത്തിൽ പ്രതികളെ പിടികൂടി ഊർജിതമായ അന്വേഷണവും തെളിവെടുപ്പും അന്വേഷണ ഉദ്യോഗസ്ഥർ നടത്തുന്നു വിഷയത്തെ രാഷ്ട്രീയവൽക്കരിക്കാനും അതുവഴി തിരഞ്ഞെടുപ്പ് നേട്ടം ഉണ്ടാക്കാൻ ആകുമോ എന്നുമാണ് കോൺഗ്രസും പോഷക സംഘടനകളും നോക്കുന്നത്
പരീക്ഷാ സമയം കുട്ടികൾക്ക് ഏകാഗ്രത ഏറെ വേണ്ട സമയമാണ്. ഈ ഘട്ടത്തിൽ വിദ്യാലയങ്ങളിൽ കലുഷിത അന്തരീക്ഷം ഉണ്ടാക്കുന്നത് കേരള സമൂഹത്തോട് തന്നെ ചെയ്യുന്ന ക്രൂരതയാണ്
വിദ്യാർഥികൾക്ക് സ്വൈര്യമായി പരീക്ഷ എഴുതുവാനുള്ള അന്തരീക്ഷം ഉണ്ടാക്കണം, പോലീസ് സഹായത്തിന് പുറമേ പൊതുജനം വിദ്യാർത്ഥികൾക്ക് പരീക്ഷ എഴുതുവാൻ ഉള്ള സാഹചര്യം ഒരുക്കാൻ മുന്നിട്ടിറങ്ങണമെന്നും മന്ത്രി പറഞ്ഞു