ടെല് അവീവ്/ഗാസ സിറ്റി: 2023 ഒക്ടോബര് ഏഴിലെ ആക്രമണത്തിൽ പിടികൂടിയ ഇസ്രയേലി ബന്ദികളില് ജീവനോടെയുള്ളവരെ പൂര്ണമായും വിട്ടയച്ച് ഹമാസ്. ഗാസ സമാധാന ഉടമ്പടി പ്രകാരമുള്ള കൈമാറ്റത്തിലൂടെയാണ് രണ്ട് ഘട്ടമായി ബന്ദികളെ മോചിപ്പിച്ചത്.
ആദ്യം ഏഴ് ബന്ദികളെയും പിന്നീട് 13 പേരെയും റെഡ് ക്രോസ് വഴി ഹമാസ് ഇസ്രയേലിന് കൈമാറി. ബന്ദികള്ക്കായി ടെല് അവീവില് വന് സ്വീകരണമാണ് ഒരുക്കിയിരിക്കുന്നത്.28 ബന്ദികളുടെ മൃതദേഹങ്ങള് ഹമാസിന്റെ കൈവശമുണ്ടെന്നാണ് വിവരം.
ഇസ്രയേലി ബന്ദികളുടെ മോചനത്തിന് പകരമായി ഗാസ നിവാസികളടക്കമുള്ള രണ്ടായിരത്തോളം പലസ്തീനികളെ ഇസ്രയേല് വിട്ടയക്കും. 2023-ലെ ആക്രമണത്തില് ഹമാസ് 251 പേരെയാണ് ബന്ദികളാക്കിയത്.
ഇവരെ പിന്നീട് പല ഘട്ടങ്ങളായി വിട്ടയക്കുകയും ചിലര് കൊല്ലപ്പെടുകയുമുണ്ടായി.അമേരിക്കയുടെ മധ്യസ്ഥതയില് ഇസ്രയേലും ഹമാസും പരസ്പര വെടിനിര്ത്തലിന്റെ ആദ്യ ഘട്ടം പ്രാബല്യത്തില് വന്നതിനെ തുടർന്ന് തിങ്കളാഴ്ച യുഎസ് പ്രസിഡന്റ് ഡൊണാള്ഡ് ട്രംപ് ഇസ്രയേലിലെത്തി