മീററ്റ്: ഐപിഎൽ താരലേലത്തിൽ കൊൽക്കത്ത നൈറ്റ് റൈഡേഴ്സ് (കെകെആർ) ബംഗ്ലാദേശ് താരം മുസ്തഫിസുർ റഹ്മാനെ 9.20 കോടി രൂപയ്ക്ക് വാങ്ങിയതിനെതിരെ ബിജെപി നേതാവ് സംഗീത് സോം രംഗത്ത്. [1] ഷാറൂഖ് ഖാൻ രാജ്യദ്രോഹിയാണെന്നും, ഒരു ബംഗ്ലാദേശി താരത്തിന് ഇത്രയും വലിയ തുക നൽകിയതിനാൽ അദ്ദേഹത്തിന് ഇന്ത്യയിൽ തുടരാൻ അവകാശമില്ലെന്നും സംഗീത് സോം ആരോപിച്ചു.
ഒരു ബംഗ്ലാദേശ് താരത്തിന് ഐപിഎല്ലിൽ ലഭിക്കുന്ന ഏറ്റവും ഉയർന്ന തുകയാണിത്.ബംഗ്ലാദേശിൽ ഹിന്ദുക്കൾ വംശഹത്യ നേരിടുമ്പോഴും ഇന്ത്യ വിരുദ്ധ വികാരം ശക്തമാകുമ്പോഴും ഷാരൂഖ് ഖാൻ അവിടുത്തെ താരത്തിന് 9 കോടി നൽകുന്നത് രാജ്യദ്രോഹമാണെന്ന് സംഗീത് സോം ആരോപിച്ചു.
പ്രധാനമന്ത്രിയെ അപമാനിക്കുന്ന രാജ്യത്തെ സഹായിക്കുന്ന ഷാരൂഖിന് ഇന്ത്യയിൽ തുടരാൻ അവകാശമില്ലെന്നും മീററ്റിലെ പൊതുപരിപാടിയിൽ ബിജെപി നേതാവ് തുറന്നടിച്ചു.ബംഗ്ലാദേശ് താരം മുസ്തഫിസുർ റഹ്മാനെ ഇന്ത്യയിൽ കാലുകുത്താൻ അനുവദിക്കില്ലെന്ന് ബി.ജെ.പി നേതാവ് സംഗീത് സോം ഭീഷണി മുഴക്കി.
ഐ.പി.എൽ ലേലത്തിൽ കൊൽക്കത്ത നൈറ്റ് റൈഡേഴ്സ് താരത്തെ സ്വന്തമാക്കിയതിനെതിരെ ആത്മീയ നേതാക്കളായ ദേവ് കിഷൻ ഠാക്കൂറും സ്വാമി രാംഭദ്രാചാര്യയും ഷാറൂഖ് ഖാനെതിരെ പരസ്യമായി രംഗത്തെത്തിയിട്ടുണ്ട്. ഈ വിഷയം 2026-ലെ കായിക-നയതന്ത്ര മേഖലകളിൽ വലിയ ചർച്ചകൾക്കാണ് വഴിവെച്ചിരിക്കുന്നത്.
ഷാരൂഖ് ഖാനെ പിന്തുണച്ച് കോൺഗ്രസ് നേതാക്കൾ രംഗത്തെത്തി. ഷാരൂഖിനെ രാജ്യദ്രോഹിയെന്ന് വിളിക്കുന്നത് ഇന്ത്യയുടെ ബഹുസ്വരതയ്ക്ക് നേരെയുള്ള ആക്രമണമാണെന്ന് മാണിക്കം ടാഗോർ എംപി പ്രതികരിച്ചു.
ക്രിക്കറ്റ് ബോർഡ് (BCCI) അനുമതി നൽകിയതുകൊണ്ടാണ് ഷാരൂഖിന് ബംഗ്ലാദേശ് താരത്തെ ലേലത്തിൽ എടുക്കാൻ കഴിഞ്ഞതെന്നും, ഇതിൽ താരത്തെ കുറ്റപ്പെടുത്തുന്നതിൽ അർത്ഥമില്ലെന്നും താരിഖ് അൻവർ വ്യക്തമാക്കി.