യുവാതാരം വൈഭവ് സൂര്യവംശി ഉടൻ തന്നെ ഇന്ത്യൻ കുപ്പായമണിയുമെന്ന് ആർ. അശ്വിൻ പ്രവചിച്ചു. നിലവിലെ ലോകകപ്പിന് ശേഷം ടീമിൽ വലിയ മാറ്റങ്ങൾ വരുമ്പോൾ വൈഭവിന് അവസരം ലഭിക്കുമെന്നാണ് അശ്വിന്റെ വിലയിരുത്തൽ. താരത്തിന്റെ ബാറ്റിംഗ് മികവിനെയും ആത്മവിശ്വാസത്തെയും അശ്വിൻ പ്രത്യേകം അഭിനന്ദിച്ചു.
ഇന്ത്യയുടെ ‘വണ്ടർ കിഡ്’ വൈഭവ് സൂര്യവംശിയുടെ തകർപ്പൻ പ്രകടനത്തെ പ്രശംസിച്ച് നിരവധി മുൻ താരങ്ങൾ രംഗത്തെത്തി. വൈഭവിന്റെ വെടിക്കെട്ട് ഇന്നിംഗ്സിന് പിന്നാലെ രവിചന്ദ്രൻ അശ്വിൻ താരത്തെ വാനോളം പുകഴ്ത്തി.
വരാനിരിക്കുന്ന ടി20 ലോകകപ്പിന് ശേഷം വൈഭവ് ഇന്ത്യൻ സീനിയർ ടീമിലെത്തുമെന്ന് അശ്വിൻ ആത്മവിശ്വാസം പ്രകടിപ്പിച്ചു.അണ്ടർ 19 ലോകകപ്പ് ഫൈനലിൽ ഇംഗ്ലണ്ടിനെതിരെ 55 പന്തിൽ സെഞ്ചുറി തികച്ച വൈഭവ് സൂര്യവംശി, ടൂർണമെന്റ് ചരിത്രത്തിലെ രണ്ടാമത്തെ അതിവേഗ സെഞ്ചുറി കുറിച്ചു.
175 റൺസ് നേടി ഇന്ത്യയെ കൂറ്റൻ സ്കോറിലെത്തിച്ച വൈഭവ് ഉടൻ തന്നെ സീനിയർ ടീമിലെത്തുമെന്ന് അശ്വിൻ പ്രവചിച്ചു. അന്താരാഷ്ട്ര ക്രിക്കറ്റിലേക്ക് താരം അതിവേഗം ചുവടുവെക്കുമെന്നാണ് ആരാധകരുടെ പ്രതീക്ഷ.