ബുധനാഴ്ച ഇസ്രായേൽ നടത്തിയ ആക്രമണത്തെക്കുറിച്ച് യുഎസിന് അറിവില്ലായിരുന്നെന്ന് ട്രംപ് വ്യക്തമാക്കി. ഖത്തറിലെ റാസ് ലഫാൻ ഊർജ്ജ സമുച്ചയത്തിന് നേരെ ഇറാൻ നടത്തിയ ആക്രമണത്തിൽ വ്യാപകമായ നാശനഷ്ടങ്ങൾ സംഭവിച്ചെങ്കിലും ആർക്കും പരിക്കേറ്റിട്ടില്ലെന്ന് ഖത്തർ പെട്രോളിയം അറിയിച്ചു.
ഇതിന് പിന്നാലെ, ഇറാൻ കൂടുതൽ പ്രതികാര നടപടികളിലേക്ക് കടക്കരുതെന്ന് ട്രൂത്ത് സോഷ്യൽ പോസ്റ്റിലൂടെ ട്രംപ് ശക്തമായ മുന്നറിയിപ്പ് നൽകി.
റാസ് ലഫാനിലെ ആക്രമണത്തെത്തുടർന്നുണ്ടായ തീപിടുത്തം നിയന്ത്രണവിധേയമായെന്ന് ഖത്തർ അറിയിച്ചു. ഇറാന്റെ സൗത്ത് പാർസ് ഗ്യാസ് ഫീൽഡിന് നേരെ ഇസ്രായേൽ നടത്തിയ തിരിച്ചടിക്ക് പിന്നാലെ ആഗോള വിപണിയിൽ ഇന്ധനവില കുതിച്ചുയർന്നു.
ഖത്തർ, സൗദി, യുഎഇ എന്നിവിടങ്ങളിലെ കൂടുതൽ ഊർജ്ജ കേന്ദ്രങ്ങൾ ലക്ഷ്യമിടുമെന്ന് ഇറാൻ മുന്നറിയിപ്പ് നൽകിയിട്ടുണ്ട്. ഈ സാഹചര്യം ആഗോളതലത്തിൽ വലിയ ഊർജ്ജ പ്രതിസന്ധിക്ക് കാരണമാകുമെന്ന് വുഡ് മക്കെൻസി ലിമിറ്റഡ് വിലയിരുത്തുന്നു.
ആക്രമണത്തെത്തുടർന്നുണ്ടായ തീപിടുത്തം നിയന്ത്രണവിധേയമാണെന്ന് ഖത്തർ ആഭ്യന്തര മന്ത്രാലയം സ്ഥിരീകരിച്ചു. ഇതിനുപിന്നാലെ, ഇറാനിയൻ സൈനിക-സുരക്ഷാ ഉദ്യോഗസ്ഥരോടും ജീവനക്കാരോടും 24 മണിക്കൂറിനുള്ളിൽ രാജ്യം വിടാൻ ഖത്തർ ഉത്തരവിട്ടു. ഇരുരാജ്യങ്ങളും തമ്മിലുള്ള നയതന്ത്രബന്ധം ഇതോടെ അതീവ ഗുരുതരമായിരിക്കുകയാണ്.