ആന്ധ്രാപ്രദേശിലെ കുർണൂൽ ജില്ലയിൽ വ്യാഴാഴ്ച പുലർച്ചെ 3:30-ഓടെ ഉണ്ടായ അതിദാരുണമായ വാഹനാപകടത്തിൽ 8 തീർത്ഥാടകർ മരിച്ചു.
കർണാടകയിലെ ചിക്കമംഗളൂരുവിൽ നിന്നുള്ള 21 തീർത്ഥാടകരാണ് ബൊലേറോ വാഹനത്തിൽ ഉണ്ടായിരുന്നത്. മന്ത്രാലയത്തെ ശ്രീ രാഘവേന്ദ്ര സ്വാമി മഠത്തിൽ ദർശനം നടത്താൻ പോകുകയായിരുന്നു ഇവർ
അപകടം: കുർണൂൽ ജില്ലയിലെ മന്ത്രാലയം മണ്ഡലത്തിലുള്ള ചിലകലഡോണ ഗ്രാമത്തിന് സമീപം തീർത്ഥാടകരുടെ വാഹനം സിമന്റ് മിക്സർ ടാങ്കർ ലോറിയുമായി (Ready-mix tanker) കൂട്ടിയിടിക്കുകയായിരുന്നുഅഞ്ച് പേർ സംഭവസ്ഥലത്ത് വച്ചുതന്നെ മരിച്ചു.
മൂന്ന് പേർ ആശുപത്രിയിലെത്തിച്ച ശേഷമാണ് മരണത്തിന് കീഴടങ്ങിയത്. മരിച്ചവരിൽ അഞ്ച് സ്ത്രീകളും ഒരു പെൺകുട്ടിയും ഉൾപ്പെടുന്നു.13 പേർക്ക് പരിക്കേറ്റു. ഇവരെ എമ്മിഗന്നൂരിലെയും കുർണൂലിലെയും സർക്കാർ ആശുപത്രികളിൽ പ്രവേശിപ്പിച്ചു.
ചിലരുടെ നില ഗുരുതരമാണ്.അപകടത്തിൽ പ്രധാനമന്ത്രി നരേന്ദ്ര മോദിയും മുഖ്യമന്ത്രി ചന്ദ്രബാബു നായിഡുവും അനുശോചനം രേഖപ്പെടുത്തി. മരിച്ചവരുടെ കുടുംബാംഗങ്ങൾക്ക് 2 ലക്ഷം രൂപയും പരിക്കേറ്റവർക്ക് 50,000 രൂപയും പ്രധാനമന്ത്രിയുടെ ദുരിതാശ്വാസ നിധിയിൽ നിന്ന് പ്രഖ്യാപിച്ചു.