പത്തനംതിട്ടയിൽ കോവിഡ് ബാധിതയെ ആംബുലൻസിൽ പീഡിപ്പിച്ച കേസില്‍ പ്രതി കായംകുളം സ്വദേശി നൗഫലിന് ജീവപര്യന്തം തടവ്. പത്തനംതിട്ട പ്രിന്‍സിപ്പല്‍ സെഷന്‍സ് കോടതിയുടേതാണ് വിധി. 1,08000 രൂപ പിഴയും അടയ്ക്കണം. ആറു വകുപ്പുകളിലാണ് ശിക്ഷ.
2020 സെപ്റ്റംബർ അഞ്ചിന് രാത്രി ആയിരുന്നു പീഡനം.തട്ടിക്കൊണ്ടുപോകലും ബലാല്‍സംഗവും അടക്കമുള്ള കുറ്റങ്ങള്‍ നൗഫലിനെതിരെ തെളിഞ്ഞിരുന്നു. കൊലക്കേസ് പ്രതി ആയിരിക്കെ പ്രതിക്ക്108ആംബുലന്‍സില്‍ ജോലി കിട്ടിയതും വിവാദമായിരുന്നു.
കോവിഡ് ബാധിച്ച അടൂരില്‍ നിന്നുള്ള 19 വയസുള്ള പെണ്‍കുട്ടിയെ കോവിഡ് സെന്‍ററിലേക്ക് കൊണ്ടുപോകുന്നതിനിടെ ആയിരുന്നു ബലാല്‍സംഗം.