ബെംഗളൂരു: ലക്ഷക്കണക്കിന് സംഗീതാസ്വാദകരുടെ ഹൃദയം കവർന്ന വിഖ്യാത ചലച്ചിത്ര പിന്നണി ഗായിക എസ്. ജാനകി (88) വിടവാങ്ങി. മൈസൂരുവിലെ അപ്പോളോ ആശുപത്രിയിൽ ചികിത്സയിലിരിക്കെയായിരുന്നു അന്ത്യം. ശ്വാസകോശ സംബന്ധമായ അസുഖങ്ങളെ തുടർന്ന് ആശുപത്രിയിൽ പ്രവേശിപ്പിച്ച ജാനകിയമ്മ ഹൃദയാഘാതത്തെ തുടർന്നാണ് മരണത്തിന് കീഴടങ്ങിയത്.
കൊച്ചുമകൾ അപ്സരയാണ് വിയോഗവിവരം സോഷ്യൽമീഡിയയിലൂടെ പങ്കുവെച്ചത്.മലയാളം, തമിഴ്, തെലുങ്ക്, കന്നഡ, ഹിന്ദി ഉൾപ്പെടെ 17 ഭാഷകളിലായി നാല്പ്പതിനായിരത്തിലേറെ ഗാനങ്ങൾ ആലപിച്ച അവർ ആറു പതിറ്റാണ്ടുകാലം തെന്നിന്ത്യൻ സംഗീതലോകം ഭരിച്ചു. മികച്ച പിന്നണി ഗായികയ്ക്കുള്ള ദേശീയ പുരസ്കാരം നാല് തവണയും, കേരള സംസ്ഥാന അവാർഡ് 14 തവണയും നേടിയിട്ടുണ്ട്.
2013-ൽ രാജ്യം പത്മഭൂഷൺ നൽകി ആദരിക്കാൻ ശ്രമിച്ചെങ്കിലും തെന്നിന്ത്യൻ കലാകാരന്മാരോടുള്ള അവഗണനയിൽ പ്രതിഷേധിച്ച് അവരത് നിരസിക്കുകയായിരുന്നു. പ്രണയവും വാത്സല്യവും വിരഹവുമെല്ലാം ആ അസാധ്യമായ ശബ്ദമാധുര്യത്തിലൂടെ വരുംതലമുറകൾക്കും മറക്കാനാവാത്ത സംഗീതാനുഭവമായി അവശേഷിപ്പിച്ചാണ് മലയാളത്തിന്റെ പ്രിയപ്പെട്ട ജാനകിയമ്മ മടങ്ങുന്നത്.