ഇറാനിലെ ഭരണകൂടത്തെ മാറ്റാൻ ലഭിച്ച ‘ചരിത്രപരമായ അവസരം’ നഷ്ടപ്പെടുത്തരുതെന്ന് സൗദി കിരീടാവകാശി മുഹമ്മദ് ബിൻ സൽമാൻ ഡൊണാൾഡ് ട്രംപിനോട് ആവശ്യപ്പെട്ടതായി റിപ്പോർട്ട്. ഇറാനെതിരായ സൈനിക നടപടികൾ ശക്തമായി തുടരണമെന്നാണ് സൗദിയുടെ നിലപാടെന്ന് അന്താരാഷ്ട്ര മാധ്യമങ്ങൾ സൂചിപ്പിക്കുന്നു.
എന്നാൽ മേഖലയിൽ സമാധാനം പുനഃസ്ഥാപിക്കാനാണ് തങ്ങൾ ശ്രമിക്കുന്നതെന്ന് സൗദി ഔദ്യോഗികമായി അറിയിച്ചു.ഇറാൻ സൈനിക വക്താവ് ഡൊണാൾഡ് ട്രംപിന്റെ ചർച്ചാ നിർദ്ദേശങ്ങളെ തള്ളിക്കളഞ്ഞതായി റിപ്പോർട്ട്.
“നിങ്ങളുടെ പരാജയത്തെ ഒരു കരാർ എന്ന് വിളിക്കരുത്,” എന്ന് പരിഹസിച്ച വക്താവ്, മേഖലയിലെ സുരക്ഷ തങ്ങളുടെ സായുധ സേനയുടെ കരുത്തിൽ മാത്രമാണെന്നും വ്യക്തമാക്കി. ഗൾഫ് മേഖലയിലെ അമേരിക്കൻ നിക്ഷേപങ്ങൾക്കും എണ്ണവിലയിലെ സ്ഥിരതയ്ക്കും ഇറാൻ ഭീഷണിയാകുമെന്ന മുന്നറിയിപ്പും സൈനിക കമാൻഡ് നൽകിയിട്ടുണ്ട്.”
അമേരിക്ക സ്വന്തത്തോടാണ് ചർച്ചകൾ നടത്തുന്നത്” എന്ന് പരിഹസിച്ചുകൊണ്ട് ഇറാന്റെ സംയുക്ത സൈനിക കമാൻഡ് വക്താവ് ഇബ്രാഹിം സുൽഫാഖാരി രംഗത്തെത്തി. തങ്ങൾ സന്ധി ചെയ്യാൻ തയ്യാറാണെന്ന ട്രംപിന്റെ അവകാശവാദം “വ്യാജ വാർത്ത” ആണെന്ന് ഇറാൻ ഔദ്യോഗികമായി തള്ളി.
മുൻപ് ചർച്ചകൾ നടക്കുമ്പോൾ തന്നെ അമേരിക്ക വ്യോമാക്രമണം നടത്തിയതിനാൽ, വാഷിംഗ്ടണിനെ വിശ്വസിക്കാൻ കഴിയില്ലെന്നനിലപാടിലാണ് ടെഹ്റാൻ. മേഖലയിലെ സമാധാനം സൈനിക കരുത്തിലൂടെ മാത്രമേ സാധ്യമാകൂ എന്നും വക്താവ് ഓർമ്മിപ്പിച്ചു.
അമേരിക്ക സ്വന്തത്തോടാണ് ചർച്ചകൾ നടത്തുന്നത്” എന്ന് പരിഹസിച്ചുകൊണ്ട് ഇറാന്റെ സംയുക്ത സൈനിക കമാൻഡ് വക്താവ് ലഫ്റ്റനന്റ് കേണൽ ഇബ്രാഹിം സുൽഫാഖാരി രംഗത്തെത്തി. തങ്ങൾ സന്ധി ചെയ്യാൻ തയ്യാറാണെന്ന ട്രംപിന്റെ അവകാശവാദം “വ്യാജ വാർത്ത” ആണെന്ന് ഇറാൻ ഔദ്യോഗികമായി തള്ളി.
ഫെബ്രുവരി 28-ന് നയതന്ത്ര ചർച്ചകൾ നടന്നുകൊണ്ടിരിക്കെ അമേരിക്ക വ്യോമാക്രമണം നടത്തിയതിനാൽ, വാഷിംഗ്ടണിനെ ഇനി വിശ്വസിക്കാൻ കഴിയില്ലെന്ന നിലപാടിലാണ് ടെഹ്റാൻ. മേഖലയിലെ സമാധാനം സൈനികകരുത്തിലൂടെ മാത്രമേ സാധ്യമാകൂ എന്നും വക്താവ് ഓർമ്മിപ്പിച്ചു.