ഒന്നു മുതൽ എട്ട് വരെ ക്ലാസുകളിലെ അധ്യാപകർക്ക് അധ്യാപക യോഗ്യതാ പരീക്ഷ (TET) സുപ്രീംകോടതി നിർബന്ധമാക്കി. വിരമിക്കാൻ അഞ്ച് വർഷത്തിൽ കൂടുതൽ സർവീസ് ബാക്കിയുള്ള മുഴുവൻ അധ്യാപകരും ഈ യോഗ്യത നേടിയിരിക്കണം. നേരത്തെ രണ്ട് വർഷത്തിനുള്ളിൽ പരീക്ഷ പാസാകണമെന്നായിരുന്നു ഉത്തരവെങ്കിലും, സംസ്ഥാന സർക്കാരും അധ്യാപകരും നൽകിയ പുനഃപരിശോധനാ ഹർജി പരിഗണിച്ച കോടതി ഈ കാലാവധി മൂന്ന് വർഷമായി ഉയർത്തിയിട്ടുണ്ട്.
ഭരണഘടനയുടെ ആർട്ടിക്കിൾ 142 പ്രകാരമുള്ള അസാധാരണ അധികാരങ്ങൾ ഉപയോഗിച്ചാണ് കോടതിയുടെ ഈ സുപ്രധാന വിധി. നിശ്ചിത സമയത്തിനകം യോഗ്യത നേടാത്തവർക്ക് സർവീസിൽ തുടരാനാകില്ല.