ന്യൂഡൽഹിയിലെ ജന്തർ മന്തറിൽ നടന്ന സിജെപി പ്രതിഷേധത്തിനിടെ പെട്രോൾ ബോംബെറിഞ്ഞ് ഭീതി സൃഷ്ടിക്കാൻ ശ്രമിച്ച ഒൻപതംഗ ഭീകരസംഘത്തെ പഞ്ചാബ് പോലീസ് അറസ്റ്റ് ചെയ്തു. പാകിസ്ഥാൻ ചാരസംഘടനയായ ഐഎസ്ഐയുടെ നിർദ്ദേശപ്രകാരമാണ് സംഘം അക്രമത്തിന് പദ്ധതിയിട്ടത്.
ഉത്തർപ്രദേശിൽ നിന്നുള്ള ഐഎസ്ഐ ബന്ധമുള്ള വ്യക്തിയുടെ സഹായത്തോടെയാണ് പെട്രോൾ ഉൾപ്പെടെയുള്ള അസംസ്കൃത വസ്തുക്കൾ ശേഖരിച്ചത്. ജന്തർ മന്തറിൽ എത്തിയെങ്കിലും ആസൂത്രണം ചെയ്ത ആക്രമണം നടത്താനാകാതെ പഞ്ചാബിലേക്ക് മടങ്ങിയ ഇവരെ പോലീസിന്റെ സമയബന്ധിതമായ ഇടപെടലിലാണ് പിടികൂടിയത്.
സംഭവത്തിൽ ഐഎസ്ഐയുടെ ലക്ഷ്യങ്ങളെക്കുറിച്ചും പിന്നിലുള്ള ഗൂഢാലോചനയെക്കുറിച്ചും പഞ്ചാബ് പോലീസ് വിശദമായ അന്വേഷണം ആരംഭിച്ചിട്ടുണ്ട്.