.
തുറവൂർ: ഏറെ പ്രതീക്ഷയോടെ കാത്തിരിക്കുന്ന അരൂർ-തുറവൂർ ഉയരപ്പാത നിർമാണത്തിലെ നിർണായക ഘട്ടം പൂർത്തിയായി. പാതയുടെ തടസ്സപ്പെട്ടു കിടന്നിരുന്ന അവസാന സ്ലാബിന്റെ മേൽത്തട്ട് കോൺക്രീറ്റിങ് വിജയകരമായി പൂർത്തീകരിച്ചു.
അരൂർ ശ്രീനാരായണ നഗറിന് സമീപമുള്ള ദേശീയപാതയിലാണ് അവസാനഘട്ട കോൺക്രീറ്റിങ് നടന്നത്. ഇതോടെ 12.75 കിലോമീറ്റർ ദൈർഘ്യമുള്ള ഉയരപ്പാതയുടെ മുഴുവൻ ഭാഗത്തെയും മേൽത്തട്ട് കോൺക്രീറ്റിങ് പൂർത്തിയായതായി അധികൃതർ അറിയിച്ചു.110 കെ.വി ഉന്നതവിFloatField വൈദ്യുതി ലൈനുകൾ ഉയർത്തി സ്ഥാപിക്കുന്നതിലുണ്ടായ പ്രവൃത്തി വൈകലാണ് ശ്രീനാരായണ നഗറിലെ തൂണുകൾക്ക് മുകളിലെ ഗർഡറുകൾ സ്ഥാപിക്കലും കോൺക്രീറ്റിങ്ങും നീണ്ടുപോകാൻ കാരണമായത്.
പ്രശ്നം പരിഹരിച്ചതോടെ 354 തൂണുകളിൽ നിർമിച്ചിരിക്കുന്ന ഉയരപ്പാതയുടെ പ്രധാന നിർമാണ പ്രവൃത്തികൾ പൂർണ്ണമായികോൺക്രീറ്റിങ് അവസാനിച്ചതോടെ പാതയിലെ ടാറിങ് പ്രവൃത്തികൾ അതിവേഗത്തിലാണ് മുന്നേറുന്നത്. ആകെ 12.75 കിലോമീറ്റർ ദൂരത്തിൽ 9.5 കിലോമീറ്ററിലെ ടാറിങ് ഇതിനോടകം പൂർത്തിയായിക്കഴിഞ്ഞു. ഇനി വെറും 4 കിലോമീറ്റർ ഭാഗത്ത് മാത്രമാണ് ടാറിങ് ബാക്കിയുള്ളത്.
കിഴക്കുഭാഗത്ത് പില്ലർ 39 മുതൽ 192 വരെയും പടിഞ്ഞാറുഭാഗത്ത് പില്ലർ 57 മുതൽ 149 വരെയുമുള്ള ജോലികളാണ് പൂർത്തിയായത്ടാറിങ്ങിനൊപ്പം മേൽപാലത്തിന്റെ ജോയിന്റുകൾ ഉറപ്പിക്കൽ, ക്രഷ് ബാരിയറുകൾ, ലൈറ്റുകൾ, സൂചനാ ബോർഡുകൾ എന്നിവ സ്ഥാപിക്കുന്ന പണികളും വേഗത്തിൽ നടക്കുന്നുണ്ട്.
ഇതിനുപുറമെ, സർവീസ് റോഡുകളുടെ ഇരുവശങ്ങളിലുമുള്ള കാന നിർമാണവും അനുബന്ധ ജോലികളും നടക്കുകയാണ്. കാന നിർമാണവുമായി ബന്ധപ്പെട്ട ചില കേസ് തടസ്സങ്ങളും കയ്യേറ്റങ്ങളും ഉടൻ പരിഹരിച്ച്, വരുന്ന ഡിസംബർ മാസത്തോടെ ഉയരപ്പാത പൂർണ്ണമായി ഗതാഗതത്തിന് തുറന്നുകൊടുക്കാനുള്ള തീവ്രശ്രമത്തിലാണ് എൻ.എച്ച്.എ.ഐ (NHAI) അധികൃതർ