കൊച്ചി: കേരള സാഹിത്യ അക്കാദമി അധ്യക്ഷ ചുമതല അടക്കം ഔദ്യോഗിക പദവികളില്‍ നിന്നും ഒഴിയുന്നതായി കവി കെ സച്ചിദാനന്ദന്‍. പൊതുയോഗങ്ങളും പ്രസംഗങ്ങളും പതുക്കെ അവസാനിപ്പിക്കുന്നുവെന്ന് അറിയിച്ചതിന് പിന്നാലെയാണ് പദവി ഒഴിയുന്നതായി ഫേസ്ബുക്കിലൂടെ അറിയിച്ചത്.
ആരോഗ്യ പ്രശ്‌നങ്ങള്‍ ചൂണ്ടികാട്ടിയാണ് ചുമതലയില്‍ നിന്നും ഒഴിയുന്നത്.അതേസമയം സച്ചിദാനന്ദന്‍ ഔദ്യോഗിക ചുമതലകളില്‍ നിന്നും ഒഴിവായത് അറിയില്ലെന്ന് അക്കാദമി സെക്രട്ടറി അബൂബക്കര്‍ അറിയിച്ചു.
ഏഴു വര്‍ഷം മുമ്പ് ഒരു താല്‍ക്കാലിക മറവി രോഗത്തിന് വിധേയനായിരുന്നുവെന്നും അന്നു മുതല്‍ മരുന്ന് കഴിക്കുകയാണെന്നും നേരത്തെ ഫേസ്ബുക്ക് കുറിപ്പിലൂടെ സച്ചിദാനന്ദൻ അറിയിച്ചിരുന്നു.