കുപ്രസിദ്ധ കുറ്റവാളി ജെഫ്രി എപ്സ്റ്റീനും ഹാർവാർഡിലെ പ്രഫസർമാരും തമ്മിലുള്ള അവിശുദ്ധ ബന്ധം പുറത്ത്. എപ്സ്റ്റീന്റെ കുറ്റകൃത്യങ്ങൾ വെളിപ്പെട്ട ശേഷവും പ്രമുഖർ അദ്ദേഹത്തെ പിന്തുണച്ചിരുന്നതായി അമേരിക്കൻ നീതിന്യായ വകുപ്പിന്റെ രേഖകൾ വ്യക്തമാക്കുന്നു. ഈ വെളിപ്പെടുത്തൽ സർവകലാശാലയെ വലിയ വിവാദത്തിലാക്കിയിരിക്കുകയാണ്.
ഹാർവാർഡിൽ പഠിക്കാത്ത എപ്സ്റ്റീൻ 76 കോടി രൂപയോളം സംഭാവന നൽകിയാണ് സർവകലാശാലയിൽ സ്വാധീനമുണ്ടാക്കിയത്. ബുദ്ധിജീവികളുമായുള്ള അടുപ്പവും സ്ഥാപനത്തിന്റെ വിശ്വാസ്യതയും ലക്ഷ്യമിട്ട് രണ്ട് പതിറ്റാണ്ടോളം അദ്ദേഹം ഈ ബന്ധം നിലനിർത്തി. സ്വന്തം താൽപ്പര്യങ്ങൾക്കായി ഹാർവാർഡ് എന്ന പേര് എപ്സ്റ്റീൻ ദുരുപയോഗം ചെയ്യുകയായിരുന്നു.