റിയാദ് ∙ ഇത്യോപ്യയിലെ ഹയ്ലി ഗുബ്ബി അഗ്നിപര്വതം പൊട്ടിത്തെറിച്ചത് സൗദി അറേബ്യയെ ബാധിക്കില്ലെന്ന് അധികൃതർ അറിയിച്ചു. അതേസമയം, സ്ഫോടനത്തെ തുടര്ന്നുള്ള പുകപടലം ഇന്ത്യന് മേഖലക്ക് നേരെ സഞ്ചരിക്കുന്നതിനാല് ആകാശ എയറിന്റെ ജിദ്ദ, കുവൈത്ത്, അബുദാബി സര്വീസുകള് നിര്ത്തിവെച്ചു.
15000 നും 45000നും അടി ഉയരത്തിലാണ് ചാരവും സള്ഫര് ഡയോക്സൈഡും പൊടിയും ഉള്പ്പെടുന്ന പുകപടലം നീങ്ങിക്കൊണ്ടിരിക്കുന്നത്. ഇതേ തുടര്ന്ന് ഇന്ത്യന് ഡയറക്ടര് ജനറല് ഓഫ് സിവില് ഏവിയേഷന് വിമാനങ്ങള്ക്ക് മുന്നറിയിപ്പ് നല്കിയിരുന്നു.
നൂതന ദേശീയ സംവിധാനങ്ങള് വഴി മേഘങ്ങളുടെ ചലനവും കാലാവസ്ഥാ പ്രതിഭാസങ്ങളും കേന്ദ്രം 24 മണിക്കൂറും നിരീക്ഷിച്ചുകൊണ്ടിരിക്കുകയാണെന്ന് സൗദി കാലാവസ്ഥ നിരീക്ഷണ കേന്ദ്രം വക്താവ് ഹുസൈന് മുഹമ്മദ് അല്ഖഹ്താനി അറിയിച്ചു.
എന്തെങ്കിലും വ്യതിയാനങ്ങള് സംഭവിച്ചാല്സംഭവിച്ചാല് ആവശ്യമായ നടപടികള് സ്വീകരിക്കുമെന്നും അദ്ദേഹം പറഞ്ഞു.